Chandu Champion Celebrity Reaction : अभिनेता कार्तिक आर्यनची मुख्य भूमिका असलेल्या चंदू चॅम्पियन या सिनेमाची चर्चा सध्या सगळीकडे रंगलीये. चंदू समीक्षकांकडून आणि प्रेक्षकांकडून सिनेमाचं कौतुक होतंय. अगदी अनेक बॉलिवूड सेलिब्रिटीजनेही या सिनेमाचं कौतुक केलं आहे. नुकतंच बॉलिवूड मधील सेलिब्रिटी जोडी ज्येष्ठ गीतकार जावेद अख्तर आणि अभिनेत्री शबाना आझमी यांनी या सिनेमाचं भरभरून कौतुक केलं.

कार्तिकचं केलं भरभरून कौतुक

नुकतंच शबाना आझमी आणि जावेद अख्तर यांनी कार्तिकचा चंदू चॅम्पियन सिनेमा सिनेमागृहात पहिला. सिनेमागृहातून बाहेर येत असताना त्यांना पापराजींनी पाहिलं. त्यांनी त्यांना सिनेमा कसं वाटला असं विचारताच त्यांनी कार्तिक आणि सिनेमाचं भरभरून कौतुक केलं. "हा सिनेमा खूपच सुंदर आहे. सिनेमाची कथा खूप उत्तम आहे. इंटरव्हलनंतरचा भाग खूप उत्तम झालाय. रडून रडून माझी अवस्था वाईट झाली." असं त्या म्हणाल्या. त्यांच्याबोरोबर जावेद अख्तर यांनी या सिनेमाचं कौतुक केलं.

समीक्षकांकडून कौतुक

सिनेमा रिलीज झाल्यापासून समीक्षकांनी आणि प्रेक्षकांनी या सिनेमावर कौतुकाचा वर्षाव केलाय. आयएमडीबीवर या सिनेमाला 10 पैकी 8.8 इतकं रेटिंग दिल आहे टीआर रोट्न टोमॅटोजवर सिनेमाला 100% रिव्हयुज मिळाले आहेत. तर अनेक वृत्तपत्रांनी आणि चित्रपट समीक्षकांनी दिग्दर्शक कबीर खान आणि कार्तिक आर्यनचं भरभरून कौतुक केल आहे.

हा सिनेमा पॅरालिम्पिक विजेते मुरलीकांत पेटकर यांच्या आयुष्यावर आधारित आहे. अपंगत्वावर मात करून त्यांनी स्पर्धेत मिळवलेलं विजेतेपद याची गोष्ट या सिनेमात पाहायला मिळणार आहे. कार्तिक आर्यनने या सिनेमासाही बरीच मेहनत घेतली असून त्याने बरंच वजन कमी केलं आहे तर कबीर खान यांनीही '83' च्या अपयशानंतर डिप्रेशनमधून सावरत हा सिनेमा बनवला आहे.