Sonakshi Sinha : बॉलिवूड मधील एक आघाडीची अभिनेत्री म्हणजे सोनाक्षी सिन्हा. हिरामंडी या वेब सिरीज मुळे चर्चेत आलेली सोनाक्षी लवकरच लग्नबंधनात अडकतेय. सोनाक्षी तिचा बॉयफ्रेंड झहीर इकबालशी लग्न करणार असल्याची तारीख समोर आल्याची चर्चा आहे.

सोनाक्षीचं लग्न

मिडिया रिपोर्ट्सनुसार, सोनाक्षी आणि झहीर 23 जूनला लग्न करणार असल्याचं म्हंटलं जातंय. हा विवाहसोहळा खूप खाजगी असणार असून फक्त कुटूंब आणि जवळचे मित्र-मैत्रिणी या सोहळ्याला हजेरी उपस्थित असतील अशी माहिती झूम टीव्ही या चॅनेलला सूत्रांनी दिली. मुंबईतील सोबो हॉटस्पॉट या ठिकाणी हा विवाहसोहळा पार पडणार असल्याचं म्हंटलं जातंय.

दरम्यान, या बाबत सोनाक्षी किंवा तिच्या बॉयफ्रेंडने कोणतंही अधिकृत वक्तव्य केलं नाहीये.

गेली अनेक वर्षं सोनाक्षी आणि झहीर एकमेकांना डेट करत आहेत. झहीर हा एक फिटनेस ट्रेनर असून त्याचे अभिनेता सलमान खानशी सुद्धा जवळचे संबंध आहेत. मध्यंतरी सोनाक्षी आणि झहीरला फोटोग्राफर्सनी एकत्र पाहिल होत. डिनर डेटला गेलेल्या या जोडीबरोबर झहीरची भाचीही उपस्थित होती.

सोनाक्षी-झहीरची लव्हस्टोरी

सलमान खानच्या एका पार्टीमध्ये सोनाक्षी आणि झहीरची भेट झाली होती. पुढे त्यांची मैत्री झाली आजी नन्तर ते एकमेकांच्या प्रेमात पडले. गेले दोन वर्षं ते एकमेकांना डेट करत असून त्यांनी त्यांचं नातं लपवलं नसलं तरीही ते फार त्यावर बोलतानाही दिसत नाहीत.

सोनाक्षीचे प्रोजेक्ट्स

दरम्यान, सोनाक्षीची हिरामंडी द डायमंड बाजार ही वेबसिरीज चांगलीच गाजली. या वेबसिरीज मध्ये तिने साकारलेली फरिदन ही भूमिका सगळ्यांना आवडली. सत्तेसाठी स्वतःच्या मावशी विरुद्धच बंड पुकारणाऱ्या फरिदनने सगळ्यांची मनं जिंकली. याबरोबरच ती रेहाना या भूमिकेतही दिसली. तिच्या दुहेरी भूमिकेचं अनेकांनी कौतुक केलं.

या बरोबरच सोनाक्षी आता 'काकुडा' आणि 'निकिता रॉय अँड द बुक ऑफ डार्कनेस' या सिनेमातून प्रेक्षकांच्या भेटीस येणार आहे. तर नुकताच तिचा 'बडे मियाँ छोटे मियाँ' हा सिनेमाही रिलीज झाला होता. त्याला प्रेक्षकांचा उत्तम प्रतिसाद मिळाला.