Vidya Balan on Nepotism in Bollywood : अभिनेत्री विद्या बालन सध्या तिचा आगामी सिनेमा 'दो और दो प्यार' च्या प्रोमोशनमध्ये व्यस्त आहे. नुकतंच तिने या सिनेमा प्रोमोशनच्या निमित्ताने इंडियन एक्स्प्रेसला मुलाखत दिली. यावेळी तिने नेपोटीझमवर भाष्य केलं.

तिला नेपोटीझम आणि त्याचा करिअरवर होणार परिणाम याबाबत प्रश्न विचारण्यात आला. त्यावर विद्याने दिलेल्या उत्तराने सगळेचजण थक्क झाले. विद्या तिचं नेपोटीझमवर मत मांडताना म्हणाली, "नेपोटीझम असो वा नसो मी इथे काम करतेय. ही इंडस्ट्री कोणाच्याही बापाच्या मालकीची नाहीये, नाहीतर प्रत्येक बापाचा मुलगा किंवा मुलगी यशस्वी झाले असते. मी आता जे काही काम करतेय त्यात मी खुश आहे. पण काहीवेळा अशी वेळ यायची कि मला वाटायचं त्यावेळी जर मला काही लोकांचा आधार मिळाला असता तर काही गोष्टी अजून चांगल्या घडल्या असत्या. पण संधींच्या बाबतीत म्हणाल तर आतापर्यंत कुणीच माझा वाटा नाकारू शकलं नाहीये." विद्याने व्यक्त केलेलं तिचं हे मत सध्या सोशल मीडियावर चर्चेत आहे.

विद्याचा 'दो और दो प्यार' हा आगामी सिनेमा सध्या सोशल मीडियावर चर्चेत आहे. विवाहबाह्य संबंधांवर आधारित असलेला हा सिनेमा एका जोडप्याची आणि त्यांच्या दोन वेगवेगळ्या व्यक्तींबरोबर सुरु असलेल्या प्रकरणाची गोष्ट सांगतो. प्रतीक गांधी, इलियाना डिक्रुझ, सेंथिल राममूर्ती यांच्या या सिनेमात मुख्य भूमिका आहेत. १९ एप्रिल २०२४ ला हा सिनेमा रिलीज होणार असून शिरिषा गुहा ठाकुरता यांनी या सिनेमाचं दिग्दर्शन केलंय .

या आधी विद्याचा नियत हा सिनेमा अमेझॉन या ओटीटी प्लॅटफॉर्मवर रिलीज झाला होता. या सिनेमाला प्रेक्षकांचा संमिश्र प्रतिसाद मिळाला. तर आता ती अनिस बझमी यांच्या 'भूलभुलैया ३' या सिनेमात काम करत असून या सिनेमाचा मुहूर्त नुकताच पार पडला. या सिनेमात ती कार्तिक आर्यन आणि तृप्ती डिमरी यांच्यासोबत काम करणार आहे. प्रतीक गांधीचाही नुकताच 'मडगाव एक्स्प्रेस' हा सिनेमा प्रेक्षकांच्या भेटीस आला. तर प्रेग्नेंसीनंतर इलियाना पहिल्यांदाच'दो और दो' प्यार या सिनेमातून कमबॅक करतेय.