Chiranjeevi: दाक्षिणात्य सिनेसृष्टीतील प्रसिद्ध अभिनेते चिरंजीवी (Chiranjeevi) यांना पद्मविभूषण पुरस्काराने सन्मानित करण्यात आलं आहे. अशातच आता चिरंजीवी यांच्यावर शुभेच्छांचा वर्षाव होत आहे. अभिनेता अल्लू अर्जुननं (Allu Arjun) चिरंजीवी यांच्यासाठी खास पोस्ट शेअर करुन त्यांना शुभेच्छा दिल्या आहेत. त्याच्या या पोस्टनं अनेकांचे लक्ष वेधले आहे.
दिल्लीतील राष्ट्रपती भवनात आयोजित कार्यक्रमात राष्ट्रपतींच्या हस्ते चिरंजीवी यांना पद्मविभूषण पुरस्कारानं गौरवण्यात आलं . या खास प्रसंगी मेगास्टारची पत्नी सुलेखा, मुलगा राम चरण, मुलगी आणि सून उपासना कामिनेनी इत्यादी जण उपस्थित होते.
'पुष्पा 2' स्टार अल्लू अर्जुननेही त्याचे काका चिरंजीवी यांना पद्मविभूषण मिळाल्याबद्दल आनंद व्यक्त केला आहे. अल्लू अर्जुननं त्याच्या इन्स्टाग्रामवरील स्टोरीमध्ये आणि ट्वीटमध्ये लिहिलं, "पद्मविभूषण हा प्रतिष्ठित पुरस्कार मिळाल्याबद्दल चिरंजीवी यांचे मनःपूर्वक अभिनंदन, आपल्या सर्वांसाठी हा अत्यंत अभिमानाचा क्षण आहे."
चिरंजीवी हे 'विश्वंभरा' या चित्रपटातून प्रेक्षकांच्या भेटीला येणार आहेत. मल्लिदी वसिष्ठ दिग्दर्शित हा चित्रपट 2025 च्या संक्रांतीमध्ये मोठ्या पडद्यावर रिलीज होणार आहे. चिरंजीवीसोबत त्रिशा, मीनाक्षी चौधरी आणि सुरभी यांच्या महत्त्वपूर्ण भूमिका आहेत आणि सध्या चित्रपटाचे शूटिंग सुरू आहे. चिरंजीवी यांच्या आगामी चित्रपटांची प्रेक्षक उत्सुकतेने वाट बघत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.