दिलजीत दोसांज आणि परिणीती चोप्रा यांची मुख्य भूमिका असलेला ‘अमर सिंग चमकीला’ हा सिनेमा खूप चर्चेत आहे. इम्तियाज अली या सिनेमाचे दिग्दर्शक असून हा सिनेमा सुप्रसिद्ध पंजाबी गायक जोडी चमकीला आणि त्यांची पत्नी अमरजित कौर यांच्या आयुष्यावर बेतलेला आहे. शिवाय हा सिनेमा चमकीला आणि त्यांची पत्नी अमरजित यांच्या नात्यावरसुद्धा हा भाष्य करतो.

अमरजोत आणि अमरसिंग चमकीला यांच्या दुसऱ्या पत्नी असून त्यांचं पहिलं लग्न गुरमेल कौर यांच्याशी झालं होतं. त्यांच्यापासून त्यांना दोन मुली आहेत. अमरजित आणि चमकीला यांची हत्या करण्यात आली होती. या सर्व गोष्टींवर हा सिनेमा दिसणार आहे. याबाबत अमरसिंग चमकीला आणि अमरजोत यांचा मुलगा जैमेन याने सिने पंजाब याला दिलेली मुलाखत आता चर्चेत आहे. “मी अमरसिंग चमकीला यांच्या पहिल्या कुटूंबाशी पण संपर्कात आहेत.

मला त्यांच्या पहिल्या पत्नीपासून दोन बहीण आहेत अमरजित आणि कमलदीप. मोठ्या बहिणीचं लग्न झालं असून तिला दोन मुलं आहेत तर कमलचं लग्न आता होईल.” (ही मुलाखत २०२३मध्ये दिलेली आहे.) यावर अधिक बोलताना तो म्हणाला,”मी जेव्हा गुरमेल यांना भेटायला गेलो तेव्हा त्यांनी माझं चांगलं स्वागत केलं. हे पहिल्यापासून असंच आहे. यात आम्हा मुलांचा काहीच दोष नाही.”

अमरसिंग चमकीला आणि अमरजोत यांच्या मृत्यूनंतर जैमेनचा सांभाळ अमरजोत यांच्या आई-बाबांनी केला. आई-वडिलांच्या मृत्यूनंतर जैमेन आणि त्यांच्या दोन्ही सावत्र बहिणी वडिलांच्या स्मृतिदिनादिवशी जत्रेचं आयोजन करतात.

अमरसिंग चमकीला हा सिनेमा १२ एप्रिल २०२४ ला नेटफ्लिक्स या ओटीटी प्लॅटफॉर्मवर रिलीज झाला.

या सिनेमासाठी दिलजीत आणि परिणीती यांनी गाणीही गायली आहेत. या आधी परिणीती मिशन राणीगंज या सिनेमातून प्रेक्षकांच्या भेटीस आली. या सिनेमात तिने अभिनेता अक्षयकुमार सोबत स्क्रीन शेअर केली आहे. तर दिलजीतचा आता ‘जट अँड ज्युलिएट ३’ या पंजाबी सिनेमातून प्रेक्षकांच्या भेटीस येतोय. या सिनेमाचं शूटिंग सुरु आहे.