Amitabh Bachchan School Photo: बॉलिवूडचे मेगास्टार अमिताभ बच्चन सोशल मीडियावर खूप सक्रीय असतात. त्यांना वेळ मिळेल तेव्हा ते सोशल मीडियावर पोस्ट शेअर करताना दिसतात. बिग बी सध्या ८१ वर्षांचे आहेत. मात्र त्यांचा कामातील उत्साह हा एखाद्या तरुणाला लाजवेल असा आहे. नुकतेच ते 'कल्की' या चित्रपटात दिसले होते. आता पुन्हा एकदा बिग बी एका कारणामुळे सोशल मीडियावर चर्चेत आहेत. अमिताभ यांनी यावेळी त्याने एक न पाहिलेला फोटो चाहत्यांसोबत शेअर केला आहे जो त्यांच्या शाळेच्या वेळेतील आहे. म्हणजे तब्बल 70 वर्षांपूर्वीचा आहे. तरीही त्यांच्या चाहत्यांनी त्यांना ओळखलं आहे.

हा फोटो अमिताभ बच्चन यांच्या शाळेतील त्या दिवसाचा आहे जेव्हा ते स्काउट्सचा एक भाग असायचे. ते अलाहाबादमधील शाळेत शिकले आणि त्यांचा संघ जिंकला तेव्हा तो अभिमानाचा क्षण त्यांनी कॅमेरात टिपला होता. त्यातलेच हे फोटो आहेत. अमिताभ बच्चन यांनी दोन फोटो शेअर केले आहेत, त्यापैकी एका फोटोमध्ये ते स्वत: आहेत आणि दुसऱ्यामध्ये ते ग्रुपसोबत उभे आहेत. फोटो शेअर करताना त्यांनी लिहिले, 'बॉय स्काउट्सचे ते चांगले जुने दिवस.. स्पेशल स्कार्फ.. बॅज.. स्पेशल सॅल्युट.. त्याचे संस्थापक बॅडेन पॉवेल.. आणि त्यातील किती धडे अजूनही चालू आहेत.' या फोटोंमध्ये अमिताभ वरून दुसऱ्या रांगेत उजवीकडून चौथे उभे आहेत.

अमिताभ यांचे हे फोटो सध्या सोशल मीडियावर व्हायरल होत आहेत. असं म्हटलं जातं की बिग बी त्यांच्या शाळेतील हुशार विद्यार्थी होते. काही वर्ष त्यांनी नैनिताल येथेही शिक्षण घेतलं. त्यानंतर १९६२ मध्ये त्यांनी मुंबईतील करोडीमल कॉलेजमध्ये डिग्री पूर्ण केली. हा शाळेतला हुशार मुलगा पुढे जाऊन बॉलिवूडचा महानायक होईल याचा अंदाज तेव्हा कुणीही लावला नसेल. अमिताभ यांचा 'कल्की' अजूनही सिनेमागृहात धुमाकूळ घालतोय.