Jolly LLB 3: जॉली एलएलबीया चित्रपटाच्या दोन्ही पार्ट्सला प्रेक्षकांची पसंती मिळाली. आता या चित्रपटाचा तिसरा भाग प्रेक्षकांच्या भेटीला येणार आहे. 'जॉली एलएलबी 3' (Jolly LLB 3) या चित्रपटाचं दिग्दर्शन सुभाष कपूर हे करत आहेत. तसेच या चित्रपटात अक्षय कुमार (Akshay kumar) आणि अर्शद वारसी (Arshad Warsi) हे दोघे महत्त्वाची भूमिका साकारणार आहेत. आता या चित्रपट एका अभिनेत्रीची एन्ट्री झाली आहे.

'जॉली एलएलबी 3'मध्ये 'या' अभिनेत्रीची एन्ट्री

'हिंदुस्तान टाइम्स'च्या वृत्तानुसार, जॉली एलएलबी-3 या चित्रपटामध्ये अभिनेत्री अमृता रावची एन्ट्री झाली आहे. या चित्रपटाचे शूटिंग मे महिन्यात राजस्थानमध्ये सुरू झाले आणि सूत्रांनी दिलेल्या माहितीनुसार, अमृतानं त्या शूटिंग शेड्यूलमध्ये सहभाग घेतला होता.

अमृता ही ठाकरे या 2019 मध्ये रिलीज झालेल्या चित्रपटातून प्रेक्षकांच्या भेटीला आली होती. त्यानंतर आता ती जॉली एलएलबी-3 या चित्रपटातून मोठ्या पडद्यावरुन कमबॅक करत आहे.

राजस्थाननंतर मुंबई आणि दिल्लीत होणार शूटिंग

राजस्थानमध्ये होत असलेल्या जॉली एलएलबी-3 या चित्रपटाच्या शूटिंगबाबत एका सूत्राने माहिती दिली की, 'या चित्रपटाचे शूटिंग राजस्थानमधील अत्यंत दुर्गम भागात झाले आहे. ते ठिकाण असे होते की, त्या रस्त्यावरून एकही वाहन जाऊ शकत नसल्यामुळे तेथे जाण्यासाठी प्रत्येकाला चालत जावे लागत होते. आता चित्रपटाचे शूटिंग मुंबईत होत आहे. यानंतर काही सीन दिल्लीत शूट होणार आहेत.

जॉली एलएलबी या चित्रपटाचा पहिला भाग 2013 मध्ये रिलीज झाला होता. त्यानंतर जॉली एलएलबी-2 हा चित्रपट 2017 मध्ये रिलीज झाला. आता प्रेक्षक जॉली एलएलबी-3 या चित्रपटाची प्रेक्षक उत्सुकतेने वाट बघत आहेत.