Anant Ambani Radhika Merchant Pre Wedding Bash: अनंत अंबानी (Anant Ambani) आणि राधिका मर्चंट (Radhika Merchant) यांचं दुसरं प्री-वेडिंग फंक्शन एका आलिशान क्रूझवर पार पडले. या प्री-वेडिंग फंक्शनला विविध कलाकारांनी हजेरी लावली. अभिनेता शाहरुख खाननं (Shah Rukh Khan) देखील या प्री-वेडिंग फंक्शनला सह-कुटुंब हजेरी लावली. अनंत आणि राधिका यांच्या प्री-वेडिंग फंक्शनमधील शाहरुखचा एक व्हिडीओ सोशल मीडियावर व्हायरल झाला आहे. या व्हिडीओमधील शाहरुखच्या लूकनं अनेकांचे लक्ष वेधले आहे.

किंग खानचा स्टायलिश लूक

अनंत अंबानी आणि राधिका मर्चंट यांच्या दुसऱ्या प्री-वेडिंगमध्ये किंग खानची स्टायलिश स्टाईल पाहायला मिळाला. सोशल मीडियावर व्हायरल झालेल्या व्हिडीओमध्ये शाहरुख खान हा लांब केस आणि फ्रेंच दाढी अशा लूकमध्ये दिसत आहे. व्हिडीओमध्ये शाहरुख हा डार्क ब्यू रंगाच्या आउटफिटमध्ये दिसत आहे. या व्हिडीओमध्ये शाहरुखसोबत रणबीर कपूरही दिसत आहे.

शाहरुखच्या लूकची 'या'स्टारसोबत तुलना

शाहरुखच्या व्हायरल झालेल्या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे. या व्हिडीओमधील शाहरुखच्या लूकची तुलना लोक जॉनी डेपच्या लूकसोबत करत आहे. एका नेटकऱ्यानं शाहरुखच्या व्हिडीओवर कमेंट केली, "अरे हा तर जॉनी डेप सारखा दिसत आहे."

अनंत आणि राधिका यांचा लग्नसोहळा १२ जुलै रोजी होणार आहे. अनंत अंबानी आणि राधिका यांचा लग्न सोहळा मुंबईत 12 जुलै रोजी बीकेसी येथील जिओ वर्ल्ड कन्व्हेन्शन सेंटरमध्ये पार पडणार आहे.  त्यानंतर शनिवार, 13 जुलै हा शुभ आशीर्वादाचा कार्यक्रम पार पडणार आहे. तर रविवार, 14 जुलै रोजी मंगल उत्सव सोहळा असणार आहे.