Auron Mein Kahan Dum Tha Box Office Collection: बॉलिवूड अभिनेता अजय देवगनचे या वर्षात आतापर्यंत तीन चित्रपट प्रदर्शित झाले आहेत. या अभिनेत्याचा हॉरर-थ्रिलर 'शैतान' बॉक्स ऑफिसवर प्रचंड गाजला होता, तर त्याच्या दुसरा चित्रपट 'मैदान'ने बॉक्स ऑफिसवर सरासरी कामगिरी केली होती. पण या चित्रपटातील त्याच्या अभिनयाचं समीक्षक आणि प्रेक्षकांनी खूप कौतुक केलं होतं. मात्र अभिनेत्याचा नुकताच प्रदर्शित झालेला तिसरा रोमँटिक-थ्रिलर 'औरों में कहां दम था' बॉक्स ऑफिसवर फ्लॉप ठरला आहे. रिलीजच्या पहिल्या दिवसापासूनच या चित्रपटाला प्रेक्षकांचा थंड प्रतिसाद मिळाला होता. आता रिलीजला एक आठवडा पूर्ण होत आला असला तरी कमाईचे आकडे खूप वाईट आहे.

'और में कौन दम था'ची सहाव्या दिवशीची कमाई किती?

'औरों में कहा दम था'ची बॉक्स ऑफिसवर अतिशय वाईट परिस्थिती आहे. या चित्रपटाला समीक्षक आणि प्रेक्षकांकडून संमिश्र प्रतिसाद मिळाला. मात्र अजय आणि तब्बूची स्टार पॉवरही चित्रपटाला वाचवू शकली नाहीये. हा चित्रपट प्रदर्शित होऊन एक आठवडाही उलटला नाही आणि चित्रपटाची कमाई कोटींवरून लाखांवर गेली आहे. चित्रपटाच्या दिवसानुसार कलेक्शनबद्दल बोलायचं तर, 'औरों में कहाँ दम था' ने रिलीजच्या पहिल्या दिवशी 1.85 कोटी रुपयांची कमाई केली होती. दुसऱ्या दिवशी 2.15 कोटींची कमाई केली. तिसऱ्या दिवशी या चित्रपटाची कमाई 2.75 कोटी रुपये, चौथ्या दिवशी 1 कोटी रुपये आणि पाचव्या दिवशी 97 लाख रुपये होती.

Sacknilk च्या रिपोर्टनुसार, 'औरों में कहाँ दम था' ने रिलीजच्या सहाव्या दिवशी फक्त 75 लाख रुपये कमावले आहेत. यासोबतच 'और में कहाँ दम था' ची 6 दिवसांची एकूण कमाई फक्त 9.45 कोटी रुपये झाली आहे. 'और में कहाँ दम था' हा १०० कोटी रुपये खर्चून बनलेला चित्रपट आहे. त्यामुळे निर्मात्यांना मोठा फटका बसला आहे. हा चित्रपट प्रदर्शित होऊन 6 दिवस झाले आहेत पण तो 10 कोटींचीही कमाई करू शकलेला नाही. आता चित्रपटाकडे 15 ऑगस्टपर्यंत कमाई करण्याची संधी आहे कारण 'स्त्री 2' सह अनेक चित्रपट स्वातंत्र्यदिनी प्रदर्शित होत आहेत. मात्र हा चित्रपट फ्लॉप झाला असून निर्मात्यांनाही करोडो रुपयांचे नुकसान झालं आहे यात शंका नाही.

नीरज पांडे दिग्दर्शित 'और मैं कहाँ दम था' मध्ये अजय देवगण आणि तब्बू व्यतिरिक्त शंतनू माहेश्वरी, जिमी शेरगिल आणि सई मांजरेकर यांनी महत्त्वाच्या भूमिका साकारल्या आहेत.