Bigg Boss Marathi Update : कलर्स मराठीवरील बिग बॉस मराठी सीजन ५ चांगलाच गाजतोय. घरात पहिल्या दिवसापासूनच वाद, मतभेद सुरु झाले आहेत. तर घरात दोन गट पडलेलेही पाहायला मिळत आहेत. त्यातच सूरज चव्हाण हा स्पर्धक पहिल्या दिवसापासून त्याच्या वागण्याने सगळ्यांची मनं जिंकत आहेत. त्यामुळे त्याला प्रेक्षकांचं भरभरून प्रेम मिळत आहेत.

सूरजचा घरातील वावर जरी प्रेक्षकांना आवडत असला तरीही घरातील एक गट सुरजवर सगळ्या कामांचा भार टाकताना दिसतोय. याबाबत चला हवा येऊ द्या फेम अभिनेता अंकुर वाढवेने फेसबुकवर पोस्ट शेअर करत नाराजी व्यक्त केली. घरातील सदस्य वर्णभेद करत आहेत असा आरोपही त्याने यावेळी.

अंकुरने सोशल मीडियावर पोस्ट लिहिली. "दोन्ही टाइमचे भांडे, साफसफाई, चपला ज्या त्याच्या नाहीततरीही सूरज ने का कराव? सूरज सारखा काहीच होऊ शकत नाही (जे समाजवेगळे दिसतात, वागतात, बोलतात अशा सगळ्याना बोलणारे ९०%) तो या शो मधे या सगळ्यांच प्रतिनिधित्व करतोय तरीही सगळ्याना आपला गेम खेळायचा आहे पण तो सगळं बघून घाबरलाय. हापशीवर (हँडपंप) होणाऱ्या भांडणापेक्षा हे लय बेकार आहे आणि एवढे सुंदर दिसणारे लोक असे का वागत असतील कदाचित ह्यात तो अडकलाय. बाकी लोकना भांडी घासता येत नाही म्हणून रडणारे आणि जरी तुझे जोडे नसतील तर ते बाजूला ठेव सांगणारे आणि माझे नाहीत मी नाही उचलणार म्हटल्यावर सुरजवर चढ चढ चढतात! बाकी जातीवाद, वर्णवाद आणि वर्गवाद, शिंपथी यावर मी बोलू शकत नाही एवढी समज नही माझी." असं अंकुर त्याच्या पोस्टमध्ये म्हणाला.

अंकुरच्या पोस्टवर अनेकांनी कमेंट करत त्याच्या म्हणण्याला संमती दर्शवली. सुरजवर अन्याय होतोय असं अनेकांनी म्हंटलं. "सुरज आहे तसाच जरी वागला ना या सर्वांना पुरून उरेल तो.. बिग बॉस ने चार्ज केल्यावर तो आता थोडा बदलला आहे. अजून त्याने आपला नैसर्गिक स्वभाव तिकडे दाखवावा .. सर्वात जास्त मनोरंजन करणारा तोच तिकडं असेल..." असं म्हणत एका युझरने त्याचं कौतुक केलं.

२ ऑगस्टच्या एपिसोडमध्ये सुरजने बेडरूममध्ये असलेल्या चपला उचलण्यास नकार दिल्यावर जान्हवी आणि निक्की त्याच्यावर भडकलेल्या पाहायला मिळाल्या. यावरून त्या दोघींवर टीका होतेय. सुरजचा पुढचा गेम कसा असणार हे पाहण्यासाठी बघत राहा बिग बॉस मराठा सीजन ५ फक्त कलर्स मराठीवर आणि जिओ सिनेमावर कधीही.