कलर्स मराठीवरील बहुप्रतिक्षित शो बिग बॉस मराठी सीजन 5 सुरू होतोय. मी रितेश विलासराव देशमुख..." असं म्हणत महाराष्ट्राचा लाडका दादा अर्थात रितेश भाऊ असं म्हणत या सीजनचे नवीन होस्ट रितेश देशमुख बिग बॉस मराठीच्या ग्रँड मंचावर एन्ट्री घेणार आहेत. आज रात्री 9 वाजता बिग बॉस मराठी सीजन 5 चा प्रीमियर दणक्यात पार पडणार आहे.

घरातील सदस्यांवर आपली भुरळ पाडायला रितेश भाऊ सज्ज आहे. रितेश भाऊ आणि कमाल स्पर्धकांमुळे 'बिग बॉस'प्रेमींना मनोरंजनाचा मोठा खजिना मिळणार आहे. सोशल मीडियावर नुकताच रितेश देशमुख यांच्या ग्रँड एंट्रीचा प्रोमो शेअर करण्यात आला. ,"धरल्याबगर सोडलं नाय तर रितेश विलासराव देशमुख आपलं नाव नाही" अस म्हणत रितेश दादांनी बिग बॉस मराठी सीजन 5 च्या मंचावर एन्ट्री घेतली.

'बिग बॉस मराठी'चं नवं पर्व सुरू व्हायला अवघे काही तास शिल्लक आहेत. रितेश भाऊच्या प्रोमोव्यतिरीक्त आतापर्यंत सदस्यांचे अनेक नॉन रिव्हिल प्रोमो आऊट झाले आहेत. त्यामुळे 'बिग बॉस मराठी'च्या नव्या सीझनमध्ये कोणते सदस्य असतील, घरात नवीन काय राडे आणि धमाके होणार हे पाहण्यास प्रेक्षकही उत्सुक आहेत.

मराठी मनोरंजनाचा बॉस “BIGG BOSS मराठी”चा Grand Premiere उद्या 28 जुलै, रात्री 9 वा. फक्त कलर्स मराठीवर आणि जिओ सिनेमावर पाहायला मिळेल.

यंदाच्या पर्वात अंकिता वालावलकर, विवेक सांगळे, वर्षा उसगावकर, अंकिता जाधव, निकी तांबोळी हे कलाकार सहभागी होणार असल्याचे म्हंटल जातंय. पण या बातमीत किती तथ्य आहे ते आजच्या ग्रँड प्रीमियरलाच पाहता येईल.