'बिग बॉस' चा या आठवड्यातील एपिसोड चांगलाच गाजला. जान्हवीला तुरुंगात पाठवण्यात आले, तर छोट्या पुढारीची देखील हवा काढण्यात आली. एरिनाला घराबाहेरचा रस्ता दाखवून या आठवड्यात अनेक अनपेक्षित घटना घडल्या.

रविवारी, भाऊच्या धक्क्यात एमरजेंसी चित्रपटाचे कलाकार बिग बॉसच्या घरात आले होते. श्रेयस तळपदे आणि कंगना राणावत या सेलिब्रिटींनी घरात येऊन स्पर्धकांशी संवाद साधला. यावेळी घरातील स्पर्धकांनी त्यांच्या उत्स्फूर्त प्रतिक्रिया आणि परफॉर्मन्सने सर्वांचे लक्ष वेधले.

त्याचबरोबर दुर्गा मालिकेतील कलाकार देखील बिग बॉसच्या घरात आले होते. दुर्गा मालिकेत दुर्गाच्या भूमिकेत संदीप खरे यांची मुलगी रुमानी खरे, अंबर गणपुले, आणि वृंदा गजेंद्र या कलाकारांनी सहभाग घेतला होता. या सर्व कलाकारांनी आपल्या आवडत्या स्पर्धकांना भेट दिली आणि काही खास खेळ खेळले.

धनंजय पोवारला एक मजेशीर प्रश्न

रॅपिड फायर राऊंडमध्ये रुमानी खरेने धनंजय पोवार याला एक मजेशीर प्रश्न विचारला. "एक किलो मटण की आई अन् बायकोला फोन?" या प्रश्नाने सगळ्यांनाच खळखळून हसवले. धनंजयने लगेच उत्तर दिले, "आई-बायकोला फोन." या उत्तरावर घरात एकच हशा पिकला आणि सगळ्यांनी धनंजयच्या उत्तराची टाळ्या वाजवून दाद दिली.

दुर्गा मालिकेतील कलाकारांची धमाल

दुर्गा मालिकेत दुर्गाच्या भूमिकेत संदीप खरे यांची मुलगी रुमानी खरे झळकणार असून मालिकेचा नायक अभिषेकची भूमिका अंबर गणपुले साकारणार आहे. तसेच शिल्पा नवलकर, राजेंद्र शिसतकर आणि वृंदा गजेंद्र देखील महत्वाच्या भूमिकेत झळकणार आहेत. या मालिकेतील कलाकारांनी बिग बॉसच्या घरात दिलेल्या भेटीमुळे वातावरण अधिक रंगले होते.

बिग बॉसच्या घरातला आठवडा झाला तुफानी

या आठवड्यात बिग बॉसच्या घरातील स्पर्धकांनी एकमेकांशी जमेल तसे सामंजस्य साधण्याचा प्रयत्न केला, परंतु त्याचवेळी काही वादविवाद आणि संघर्ष देखील पाहायला मिळाले. स्पर्धकांमध्ये नेतृत्व आणि ताकदीच्या स्पर्धेतून कोण पुढे येणार याकडे सगळ्यांचे लक्ष आहे. तसेच, घरातील स्पर्धकांमधील नवीन संबंध आणि तेवढेच तुटलेले मैत्र हे देखील प्रेक्षकांना बांधून ठेवत आहेत.

या आठवड्याचा रंजक एपिसोड आणि त्यात आलेले ट्विस्ट आणि टर्न्स प्रेक्षकांना अधिकच मनोरंजक वाटले. त्यामुळे, येत्या दिवसांत बिग बॉसच्या घरात काय नवीन घडणार याची सर्वांनाच उत्सुकता लागली आहे.