Anant Ambani & Radhika Merchant : सध्या अनंत अंबानी आणि राधिका मर्चंट यांची सगळीकडे चर्चा आहे. नुकताच या दोघांचा हळदी समारंभ थाटात पार पडला. या कार्यक्रमाला त्या दोघांच्या कुटूंबाबरोबर अनेक सेलिब्रिटीजनी हजेरी लावत धमाल केली.

या हळदी समारंभाला हजर असलेल्या कलाकारांचे फोटो सोशल मीडियावर चर्चेत आहेत. अभिनेता सलमान खानने हळदीला निळ्या रंगाचा कुर्ता घातलेला पाहायला मिळाला पण बाहेर पडताना त्याच्या अंगावर पिवळ्या रंगाचा कुर्ता होता यावरून त्याने कुर्ता बदलला असावा अशी चर्चा सगळीकडे आहे तर त्याच्या चेहऱ्याला बरीच हळद लागली होती.

पण सगळ्या पापराझिंचं लक्ष वेधून घेतलं ते अभिनेता रणवीर सिंहने. रणवीर पूर्ण हळदीने माखला होता. त्याच्या संपूर्ण कुर्त्यावर, चेहऱ्यावर बरीच हळद लागलेली होती. त्याच्या या लुकवरून त्याने हळदीत खूप धमाल केली असल्याचं समोर येतंय. तसंच त्याचा सोशल मीडियावर एक फोटो व्हायरल होतोय ज्यात तो पान खाताना दिसतोय.

अनंत राधिकाच्या हळदीला राधिकाच्या खास मैत्रिणी जान्हवी, सारा आणि अनन्यानेही हजेरी लावली होती. साराने रंगीबेरंगी लेहेंगा घातला होता तर जान्हवी पिवळ्या रंगाचा साडीमध्ये सुंदर दिसत होती. तर अनन्या पांडेने पिवळ्या रंगाचा अनारकली ड्रेस घातला होता. त्यांचे लूक नेटकऱ्यांना खूप आवडली. या व्यतिरिक्त अनंतची काकू आणि अनिल अंबानीची पत्नी टीना अंबानी आणि त्यांच्या सुनेने हजेरी लावली.

12 जुलै मुंबईमधील जिओ काँव्होकेशन सेंटरमध्ये अनंत राधिकाचा विवाहसोहळा पार पडणार आहे. यावेळी देश-परदेशातील अनेक दिग्गज मंडळी हजेरी लावणार आहेत.