Colors Marathi: छोट्या पडद्यावर अनेक मालिका प्रेक्षकांच्या भेटीला येत असतात. काही मालिका कायमच्या मनात घर करतात. त्यात दिसणारे कलाकारही प्रेक्षकांना आपलेसे वाटू लागतात. ते जणू आपल्या घराचा भाग आहेत असंच प्रेक्षक समजतात. हे कलाकार कुठेही दिसले तरी प्रेक्षक त्यांना लगेच ओळखतात. अशीच एक अभिनेत्री कलर्स मराठीवर पुन्हा परतणार आहे. तिची आधीही मालिका लोकप्रिय ठरली होती. या मालिकेतून तिने आपला ठसा उमटवला होता. कलर्स वाहिनीतर्फे एक व्हिडिओ शेअर करण्यात आलाय ज्यावरून प्रेक्षकांनी तिला ओळखलं आहे. आता एका नवीन मालिकेत ती दिसणार आहे कोण आहे ही अभिनेत्री?

कलर्स वाहिनी सध्या नवनवीन मालिका प्रेक्षकांच्या भेटीला घेऊन येतेय. वाहिनीवर नुकतीच 'लय लय आवडतेस तू मला' आणि 'आई तुळजाभवानी' या मालिका सुरू झाल्या. त्यात 'पिंगा गं पोरी' आणि 'अशोक मा मा' या नव्या मालिका प्रेक्षकांच्या भेटीला येणार आहेत. नव्याने सुरू होणाऱ्या 'अशोक मामा' या मालिकेत कलर्स वरील जुनी नायिका पुन्हा दिसणार आहे. कलर्स वाहिनीने एक व्हिडिओ शेअर केला होता ज्यात तिचे डोळे दिसत आहेत. तिच्या डोळ्यांवरून नेटकऱ्यांनी तिला ओळखलं आहे. ही अभिनेत्री दुसरी तिसरी कुणी नसून रसिका वाखरकर आहे असं नेटकऱ्यांचं म्हणणं आहे. रसिका यापूर्वी 'पिरतीचा वणवा उरी पेटला' या मालिकेत दिसली होती. या मालिकेत ती सावीच्या भूमिकेत दिसली होती.

या मालिकेतील अर्जुन आणि सावीची जोडी प्रेक्षकांना आवडली होती. मात्र या मालिकेने लवकरच प्रेक्षकांचा निरोप घेतला. आता रसिका 'अशोक मा मा' या मालिकेत अशोक सराफ यांच्यासोबत दिसणारा आहे असा अंदाज लावण्यात येतोय. तर प्रेक्षकही 'अशोक मा मा' या मालिकेची आतुरतेने वाट पाहत आहेत. यातून काहीतरी नवीन पाहायला मिळेल अशी प्रेक्षकांची अपेक्षा आहे.