'बिग बॉस मराठी ५' चा हा सिझन खास असणार आहे. या सीझनमध्ये प्रेक्षकांना नवीन गोष्टी पाहायला मिळणार आहेत. कार्यक्रमाच्या होस्ट पासून 'बिग बॉसच्या घरापर्यंत सगळंच बदललेलं आहे. या वेळेस घरात कोणकोणते कलाकार येतात हे पाहण्यासाठी सगळेच उत्सुक होते. आता एका एका कलाकाराचा चेहरा समोर येत आहे. त्यात कलर्स मराठीवरील दोन अभिनेत्रीची एंट्री झाली आहे. या कार्यक्रमात कलर्स मराठीवरील लोकप्रिय नायिका आणि खलनायिका दोघीही दिसत आहेत. कोण आहेत त्या?
'बिग बॉस मराठीच्या घरात एंट्री घेणारी नायिका आहे 'जीव माझा गुंतला मधील लोकप्रिय अभिनेत्री योगिता चव्हाण. योगिताने मालिकेत अंतराचं मुख्य पात्र साकारलं होतं. आता ती बिग बॉस च्या घरात दिसणार आहे. पाच महिन्यांपूर्वीच योगिताना ऑनस्क्रीन पती असलेल्या अभिनेत्याशी लग्नगाठ बांधली होती. आता ती तीन महिन्यांसाठी बिग बॉसच्या घरात आली आहे. तर दुसरी अभिनेत्री आहे. 'भाग्य दिले तू मला' मालिकेतील खलनायिका सोनिया म्हणजेच अभिनेत्री जान्हवी किल्लेदार. या मालिकेतून तिला प्रचंड लोकप्रियता मिळाली होती. आता या दोघी एकमेकांच्या मैत्रिणी बनणार की शत्रू हे पाहणं औसुक्याचं ठरणार आहे.
तर यावेळेस बिग बॉसच्या घरात काहीही सोपं नसणार आहे. सदस्यांना प्रत्येक गोष्टीसाठी पैसे द्यावे लागणार आहे. तर ते पैसे त्यांना कमवावे लागणार आहे. त्यांना खाण्यासाठी आणि पाण्यासाठीही पैसे मोजावे लागणार आहेत. त्यामुळे हा सिझन झक्कीच अवघड असणार आहे. यापूर्वी पंढरीनाथ कांबळे, वर्षा उसगावकर यांनी बिग बॉसच्या घरत एंट्री केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.