बनणं Diljit Dosanj : पंजाबी गायक-अभिनेता म्हणून ओळख कमावल्यानंतर अभिनेता दिलजीत दोसांजने बॉलिवूडमध्येही स्वतःचं एक वेगळं स्थान निर्माण केलं आहे. नुकतंच दिलजीतने हॉलीवूडचा सुप्रसिद्ध शो 'द टुनाईट शो विथ जिमी फॅलोन'ला हजेरी लावली आहे. या शोचे खास बिहाइंड द सीन क्षण दिलजीत आणि जिमीने त्यांच्या सोशल मीडिया हँडलवर शेअर केले आहेत. तर या शोच्या ऑफिशिअल इंस्टाग्राम हँडलवर एक व्हिडीओ पोस्ट करण्यात आला आहे. या व्हिडिओमध्ये दिलजीत जिमीला पंजाबी शिकवताना दिसतोय.
दिलजीतचा आणि जिमचा एक व्हिडीओ सोशल मीडियावर व्हायरल होताना दिसतोय. या व्हिडिओमध्ये दिलजीत जिमला पंजाबी शिकवताना दिसतोय. दिलजीत म्हणतो,"पंजाबी आ गए होये" जिम ते वाक्य रिपीट करतो तेव्हा त्याला होये शब्द बोलता येत नाही मग दिलजीत त्याला 'सत श्री अकाल' म्हणायला शिकवतो ते जिमला जमल्यावर दिलजीत खुश झाल्याचं व्हिडिओमध्ये पाहायला मिळालं.
दिलजीतने खास पंजाबी लूक मध्ये हजेरी लावली. पांढरा कुर्ता, पायजमा, काळं जॅकेट आणि पांढरा फेटा या लूकमध्ये दिलजीतने या कार्यक्रमाला हजेरी लावली होती. तर जिमने ग्रे रंगाचा सूट, त्यात आकाशी रंगाचा शर्ट आणि टाय असा पोशाख केला होता.
दिलजीतचा हा शो कधी प्रसारित होणार हे अजून समजलं नाहीये. सगळेजण त्याच्या या शोची आतुरतेने वाट पाहत आहे.
दिलजीतचा नुकताच चमकीला हा सिनेमा नेटफ्लिक्सवर रिलीज झाला. त्याचा हा सिनेमा सुपरहिट ठरला. परिणीती चोप्रा बरोबर त्याने या सिनेमात काम केलं होतं. अमर सिंह चमकीला या लोकप्रिय पंजाबी गायकाची भूमिका त्याने या सिनेमात साकारली होती. दिलजीत लवकरच जाट अँड ज्युलिएट ३ या सिनेमातून प्रेक्षकांच्या भेटीस येणार आहे. या बरोबरच नो एंट्री २ या सिनेमात तो वरुण धवन आणि अर्जुन कपूर यांच्या बरोबर स्क्रीन शेअर करणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.