Sameer Vidwans Marriage: मनोरंजन विश्वातली कलाकारांचे लग्नसोहळे हे चर्चेचा विषय असतात. पुन्हा एका कलाकाराच्या लग्नाची चर्चा होऊ लागलीय. हा कलाकार आहे मराठी, हिंदीतला लोकप्रिय दिग्दर्शक समीर विद्वांस. समीरने आत्तापर्यंत अनेक उत्तम चित्रपट प्रेक्षकांसाठी घेऊन आणलेत. मात्र यंदा त्याच्या लग्नाच्या बातमीने समीर चर्चेत आलाय. दिग्दर्शक समीर विद्वांसने नुकतीच लगीनगाठ बांधलीय. समीरच्या लग्नाचे फोटो सोशल मिडीयावर चर्चेत आले आहेत.

दिग्दर्शक, अभिनेता हेमंत ढोमेने समीरच्या लग्नाचे फोटो इन्स्टाग्राम स्टोरीवर शेयर केले आहेत. हेमंतने समीरच्या विवाहसोहळ्याचे खास क्षण सोशल मिडीयावर समोर आणले आहेत. या विवाहसोहळ्याला मनोरंजन विश्वातली अनेक कलाकार मित्रमंडळींनी हजेरी लावली होती. समीर विद्वांसने त्याच्यासोबतची सहाय्यक दिग्दर्शक जुईली सोनकरसोबत लगीनगाठ बांधली आहे.

दिग्दर्शक,अभिनेता हेमंत ढोमेने त्याचा मित्र समीरच्या लग्नात हजेरी लावली होती. या लग्नाचे खास फोटो सोशल मिडीयावर शेयर करत त्याने समीर आणि जुईलीला लग्नाच्या शुभेच्छा दिल्या आहेत. दिग्दर्शक समीर विद्वांसच्या लग्नाआधीचे केळवण सोहळ्याचे फोटोही सोशल मिडीयावर समोर आले होते. काही कलाकारांनी समीर आणि जुईलीसाठी केळवण आयोजित केले होते.

याचवर्षी फेब्रुवारी महिन्यात समीर विद्वांस आणि जुईली सोनकर यांनी साखरपुडाही केला होता. या साखरपुडा सोहळ्याला देखील समीरच्या अनेक कलाकार मित्रमंडळींनी हजेरी लावली होती. तेव्हापासून दोघांच्या लग्नाची चर्चा आणि उत्सुकता अनेकांना होती. व्हॅलेंटाईन डेच्या दिवशी समीरने सोशल मिडीयावर साखरपुड्याचा फोटोही शेयर केला होता. समीर आणु जुईलीने २०१७ मध्ये मला काही प्रॉब्लेम नाही या चित्रपटासाठी एकत्र काम केलं होतं.

समीर हा मराठ आणि हिंदी चित्रपटसृष्टीतील लोकप्रिय लेखक, दिग्दर्शक आहे. समीरने आत्तापर्यंत दिग्दर्शित केलेल्या चित्रपटांपैकी ‘टाईम प्लीज’, ‘डबल सीट’, ‘आनंदी गोपाळ’, ‘धुरळा’ हे लोकप्रिय चित्रपट आहेत. तर बॉलीवुडसाठी देखील समीरने दिग्दर्शन केलय. ‘सत्यप्रेम की कथा’ या हिंदी चित्रपटाचं समीरने दिग्दर्शन केलंय.