भारतीय क्रिकेटपटू हार्दिक पंड्या आणि नताशा यांचा अखेर घटस्फोट झाला आहे. हार्दिकने पोस्ट करत नताशा हीच्यासोबत घटस्फोट घेत असल्याचं सांगितलं. ४ वर्षांच्या संसारानंतर त्यांनी वेगळं होण्याचा निर्णय घेतला. आपण मिळून आपल्या मुलाचा सांभाळ करू असं त्यांनी सांगितलं. मात्र यानंतर सोशल मीडियावर अशा सेलिब्रिटी जोड्यांच्या नावाची देखील चर्चा होऊ लागली ज्यांनी या वर्षी वेगळं होण्याचा निर्णय घेतला. पाहूया कोण आहेत ते.

ईशा देओल आणि भरत तख्तानी

हेमा मालिनी आणि धर्मेंद्र यांची मुलगी ईशा देओल आणि भरत तख्तानी यांनी यावर्षीच डिव्होर्स घेतला. याच वर्षी त्यांनी त्यांच्या घटस्फोटाची घोषणा केली. भरत तख्तानी हा दुसऱ्या मुलीसाठी ईशाची फसवणूक करत होता. त्यामुळे अखेर ईशाने या नात्याला पूर्णविराम देण्याचा निर्णय घेतला. त्यांनी २०१२ साली लग्नगाठ बांधली होती. आता २०२४ साली १२ वर्षांनी ते वेगळे झाले.

दलजीत कौर आणि निखिल पटेल

लोकप्रिय टीव्ही अभिनेत्री दलजीत कौरने मागील वर्षी परदेशी बिझनेसमन निखिल पटेलशी विवाह केला होता. मात्र काही महिन्यातच ती परत भारतात अली. त्यानंतर तिने सोशल मीडियावर आपण वेगळे होत असल्याची घोषणा केली. निखिल एका व्यक्तीला डेट करत असल्याचं दलजीतने सांगितलं. अखेर आरोप प्रत्यारोपानंतर त्यांनी घटस्फोट घेण्याचा निर्णय घेतला.

ईशा कोप्पीकर आणि टीम्मी नारंग

अभिनेत्री ईशा कोप्पीकर आणि बिझनेसमन टीम्मी नारंग यांनी २०२४च्या सुरुवातीलाच आपण वेगळे होत असल्याची घोषणा केली. त्यांनी २००९ साली लग्नगाठ बांधली होती. मात्र आता जवळपास १५ वर्षांनी ते वेगळे झाले. ते एकत्र मिळून आपल्या मुलीचा सांभाळ करणार आहेत. त्यांचं नातं एकमेकांतील मतभेद असल्याचं त्यांनी सांगितलं.

मलायका अरोरा आणि अर्जुन कपूर

अभिनेत्री मलायका अरोरा आणि अर्जुन कपूर गेले अनेक वर्ष एकमेकांना डेट करत होते. त्यांनी लग्न केलं नसलं तरी ते दोघेही सोशल मीडियावर एकमेकांविषयीचं प्रेम व्यक्त करायचे. अनेक कार्यक्रमांना एकत्र हजेरी लावायचे. असं असताना अचानक त्यांनी एकमेकांपासून दूर राहणं सुरू केलं. त्यानंतर या दोघांचं ब्रेकअप झालं असल्याचं बोललं जातंय.