अभिनेता सलमान खानच्या घरावर झालेल्या गोळीबाराची सध्या सगळीकडे चर्चा आहे. या हल्ल्यामुळे सलमानचे चाहते आणि कुटूंबीय खूप चिंतेत आहेत. या आधीही सलमानला अशा प्रकारच्या धमक्या मिळाल्या आहेत. यातच आता सलमानचा एक जुना व्हिडीओ सोशल मीडियावर व्हायरल होतोय.

काही वर्षांपूर्वी सलमानने त्याचे दोन्ही भाऊ अरबाजआणि सोहेल यांनी द कपिल शर्मा शोला हजेरी लावली होती. यावेळी सलमान आणि सोहेलने त्यांच्या फॅन्ससोबत झालेल्या मारामारीचा किस्सा शेअर केला. त्यांनी शेअर केलेल्या घटनेचा व्हिडीओ सध्या सोशल मीडियावर चर्चेत आहे.

कपिलने सोहेलला तुमच्यावर कधी भांडणाचा प्रसंग आलाय आणि त्यावेळी तुम्ही लोकांना घाबरवण्यासाठी कधी तुमच्या भावाला (सलमानला) घेऊन गेला आहात का? प्रश्न विचारला. त्यावर सोहेलने त्यांच्याबाबतीत घडलेली घटना सांगितली. सोहेल बॅण्डस्टॅण्डवरून येत असताना त्याला त्याच्या अपार्टमेंटखाली एक चाहता उभा होता आणि तो सगळ्यांचं लक्ष वेधून घेण्यासाठी जोरजोरात शिव्या घालत होता.

सोहेलला वाटलं कि, तो एकटाच उभा आहे तर मी त्याच्याशी भांडू शकतो. म्हणून तो त्याच्याजवळ गेला आणि त्याला त्याने असं करू नये म्हणून ओरडला. या बिल्डिंगमध्ये अजून लोक राहतात तर तू शिव्या घालू नकोस असं म्हंटलं. तेव्हा तिथून गाडी घेऊन अजून काही लोक आली जी त्याच्याबरोबर होती आणि त्यांनी सोहेलला मारायला सुरुवात केली.

त्याला मारताना पाहून त्यांच्या सोसायटीचा वॉचमन त्याला वाचवण्याऐवजी आत पळाला आणि त्याने सलमानला बोलवून आणलं. त्यानंतर सलमानने त्यांना खूप बदडलं. हे सुरु असतानाच सलमानच्या पाठीवर एकाने बांबू मारला आणि त्याने सलमानला जोरदार मार बसला. त्यानंतर पोलीस आले आणि पोलीस त्या लोकांना घेऊन गेले. मग सलमानला त्यांची दया आली आणि त्यानेच त्यांना सोडवून आणलं.

सलमान आणि सोहेलने शेअर केलेला हा किस्सा सध्या सोशल मीडियावर चांगलाच व्हायरल झालाय. दरम्यान, सलमान आता घडलेल्या घटनेबाबत काय पाऊल उचलणार याकडे सगळ्यांचं लक्ष लागून राहील आहे. त्याच्या आणि त्याच्या कुटूंबियांच्या सुरक्षितेत आता वाढ करण्यात आली आहे.