Virat Kohli and Anushka Sharma: आज फादर्स-डेनिमित्त विविध सेलिब्रिटी सोशल मीडियावर खास पोस्ट शेअर करत आहेत. अशातच अभिनेत्री अनुष्का शर्मानं (Anushka Sharma) देखील खास पोस्ट शेअर केली आहे. या पोस्टमध्ये अनुष्कानं वामिका (Vamika) आणि अकाय (Akaay) यांनी विराट कोहलीला (Virat Kohli) फादर्स-डेनिमित्त दिलेल्या गिफ्टचा फोटो दिसत आहे.

वामिका आणि अकाय यांच्याकडून विराटला खास गिफ्ट

वामिका आणि अकाय यांनी फादर्स-डेनिमित्त विराटला खास गिफ्ट दिलं आहे. या गिफ्टचा फोटो अनुष्कानं शेअर केला आहे. या फोटोमध्ये एक कार्ड दिसत आहे. या कार्डवर वामिका आणि अकाय यांचे फूट प्रिंट दिसत आहे. या कार्डवर "हॅप्पी फादर्स-डे", असं लिहिलेलं दिसत आहे. अनुष्कानं या कार्डचा फोटो शेअर करुन कॅप्शनमध्ये लिहिलं, "एक माणूस इतक्या गोष्टींमध्ये चांगला कसा असू शकतो? विराट, आम्ही तुझ्यावर खूप प्रेम करतो"

अनुष्का आणि विराटने 2017 मध्ये लग्न केलं. त्यानंतर 2021 ला अनुष्का आणि विराटची मुलगी वामिकाचा जन्म झाला. त्यानंतर 15 फेब्रुवारी 2024 रोजी अनुष्कानं मुलाला जन्म दिला. विराट आणि अनुष्का यांनी सोशल मीडियावर खास पोस्ट शेअर करुन त्यांच्या मुलाच्या नावाची माहिती चाहत्यांना दिली होती. या पोस्टमध्ये त्यांनी लिहिलं होतं, "खूप आनंदाने आणि प्रेमाने भरलेल्या अंतःकरणाने, आम्हाला हे सांगायला आनंद झाला आहे की, १५ फेब्रुवारी रोजी आम्ही वामिकाचा भाऊ अकायचे या जगात स्वागत केले! आमच्या आयुष्यातील या सुंदर काळात आम्ही तुम्ही आम्हाला शुभेच्छा आणि आशीर्वाद द्याल,अशी अपेक्षा आम्ही करते."