Forbes 30 Under 30 Asia List Out: फोर्ब्सने गुरुवारी (16 मे) त्यांची '30 अंडर 30 एशिया' (Forbes 30 Under 30 Asia) ही यादी जाहीर केली आहे. या यादीमध्ये आशिया आणि पॅसिफिक प्रदेशातील 30 वर्षांखालील तरुण उद्योजक, नेते आणि मनोरंजन क्षेत्रातील व्यक्तींची नावं आहेत, जे नव्या गोष्टींना प्रोत्साहन देतात आणि त्यांच्या क्षेत्रात बदल घडवून आणत आहेत. या यादीमध्ये तंत्रज्ञान, लॉजिस्टिक आणि फॅशन बिझनेस अशा विविध क्षेत्रांतील नावे देखील आहेत. जाणून घेऊयात फोर्ब्सच्या या यादीबद्दल...

मनोरंजन क्षेत्रातील 'या' सेलिब्रिटींची नाव फोर्ब्सच्या यादीत

फोर्ब्सच्या '30 अंडर 30 एशिया' या यादीच्या 9 वी आवृत्तीत मनोरंजन क्षेत्रातील दोन व्यक्तींची नावं आहेत. त्यापैकी एक नाव पवित्र चारीचं आहे तर दुसरं नाव अर्पण कुमार चंदेलचे आहे. पवित्र चारी ही प्रशिक्षित गायक आणि संगीतकार आहे. तिला 2023 मध्ये ग्रॅमीसाठी नामांकन मिळाले होते. तर अर्पण कुमार चंदेल हा एक भारतीय रॅपर आणि गायक आहे. अर्पण हा किंग या नावानं ओळखला जातो. त्याच्या गाण्यांना प्रेक्षकांची पसंती मिळाली. MTV Hustle या शोमधून तो प्रेक्षकांच्या भेटीला आला होता. त्याच्या 'मन मेरी जान' या गाण्याला प्रेक्षकांची पसंती मिळाली.

'30 अंडर 30 एशिया' या यादीत विविध क्षेत्रातील व्यक्तींची नावं आहेत. कुश जैन,अर्थ चौधरी, देयवंत भारद्वाज, ओशी कुमारी,प्रणव मानपुरिया,अरुण श्रेयस, गौतम महेश्वरन,हर्षित जैन, अभिक साहा,कुणाल अग्रवाल,गौरव पियुष, मयंक वार्ष्णेय , यश शर्मा, आदित्य दादिया,आलिष अवलनी,श्रीनिवास सरकार, कुशाग्र मांगलिक,अनिकेत दामले,यशवर्धन कनोई,मनीष मर्यादा,कवन अँटनी या भारतीयांना फोर्ब्सच्या '30 अंडर 30 एशिया' या यादीत स्थान मिळालं आहे.