Sanjeeda Shaikh: 'हिरामंडी' (Heeramandi) या वेब सीरिजमुळे अभिनेत्री संजीदा शेख (Sanjeeda Shaikh) ही गेल्या काही दिवसांपासून चर्चेत आहे. संजीदाने संजय लीला भन्साळींच्या (Sanjay Leela Bhansali) 'हिरामंडी' या वेब सीरिजमध्ये वहिदा ही भूमिका साकारली आहे. हिरामंडी वेब सीरिजमधील संजीदा शेखच्या अभिनयाचं अनेकांनी कौतुक केलं. अशातच आता संजीदानं एका मुलाखतीमध्ये तिच्यासोबत घडलेल्या एका धक्कादायक अनुभनाबद्दल सांगितलं आहे.

संजीदानं सांगितला नाईट क्लबमधील अनुभव

संजीदा शेख हिने नाईट क्लबमध्ये असताना तिच्यासोबत घडलेली एक धक्कादायक घटना शेअर केली आहे. तिने एका नवीन मुलाखतीत खुलासा केला आहे की तिला एका महिलेने चुकीच्या पद्धतीनं स्पर्श केला होता.

सजीदानं मुलाखतीत सांगितलं, "मला एक घटना अस्पष्टपणे आठवते. ही घटना एका मुलीबद्दल होती. मी नाईट क्लबमध्ये होतो. एक मुलगी तिथून जात होती. तिने फक्त माझ्या छातीला स्पर्श केला आणि ती निघून गेली.तेव्हा मी थक्क झालो होतो. एकाद्या पुरुषानं महिलेसोबत गैरवर्तन केल्याच्या घटना आपण ऐकतो पण,मुली देखील यामध्ये कमी नाहीयेत."

सजीदा म्हणाली, "विक्टिम कार्ड खेळणे फारच चुकीचे"

"जर तुम्ही चुकीच्या पद्धतीनं वागत असाल, तर तुम्ही स्त्री किंवा पुरुष आहात, हे महत्वाचे नसते. जे चुकीचे आहे ते चुकीचे आहे. जर एखादी महिला तुमच्यासोबत चुकीची वागत असेल तर तिला ते सांगा. कारण मला वाटते विक्टिम कार्ड खेळणे फारच चुकीचे आहे.", असंही सजीदानं मुलाखतीत सांगितलं.

संजीदा शेख ही 2020 मध्ये पती आमिर अलीपासून विभक्त झाली. संजीदा अनेकवेळा तिच्या वैयक्तिक आयुष्यामुळे चर्चेत असते.