Sonakshi Sinha And Zaheer Iqbal: बॉलिवूडमधील प्रसिद्ध अभिनेत्री सोनाक्षी सिन्हा (Sonakshi Sinha) आणि अभिनेता झहीर इक्बाल (Zaheer Iqbal) यांनी रजिस्टर मॅरेज केलं आहे. झहीर आणि सोनाक्षीने सात वर्षे एकमेकांना डेट केले आणि 23 जून रोजी त्यांनी लग्न केलं. दोघांनी आधी रजिस्टर मॅरेज केलं आणि नंतर त्यांनी मुंबईत ग्रँड रिसेप्शन पार्टी दिली. या रिसेप्शन पार्टीला सोनाक्षी आणि झहीर यांच्या कुटुंबियांशिवाय बॉलिवूडमधील अनेक स्टार्सनं हजेरी लावली. सोनाक्षीच्या रिसेप्शनचे फोटो सोशल मीडियावर व्हायरल झाले. अशातच सोनाक्षीची बेस्ट फ्रेंड हुमा कुरेशीचे (Huma Qureshi) फोटो देखील व्हायरल झाले. या फोटोमध्ये हुमा तिच्या बॉयफ्रेंसोबत दिसली.

सोनाक्षी आणि झहीरच्या रिसेप्शनमध्ये हुमा तिचा बॉयफ्रेंड रचित सिंगसोबत दिसली. दोघांचे फोटो सोशल मीडियावर व्हायरल होत आहेत.

कोण आहे हुमाचा बॉयफ्रेंड?

गेल्या काही दिवसांपासून हुमा कुरेशी तिच्या लव्ह लाईफमुळे चर्चेत आहे. हुमा ही रचित सिंहला डेट करत आहे, असं म्हटलं जात आहे. रचित सिंग हा मुंबईचा प्रसिद्ध अभिनय प्रशिक्षक आणि अभिनेता आहेत. रचित सिंगने आलिया भट्ट, रणवीर सिंग, वरुण धवन, विकी कौशल, अनुष्का शर्मा आणि सैफ अली खान यांचा अभिनय प्रशिक्षक म्हणून काम केले आहे.

रचितनं 'या' वेब सीरिजमध्ये केलं काम

रचित हा रवीना टंडन आणि वरुण सूद स्टारर कर्मा कॉलिंग या वेब सीरिजमध्ये वेदांत या भूमिकेत दिसला होता. या वर्षाच्या सुरुवातीला ही वेब सीरिज प्रदर्शित झाली होती.