Ridhima Pandit Wedding Rumours: सध्या सोशल मीडियावर एक मोठी अफवा सुरू आहे. अभिनेत्री रिद्धिमा पंडित आणि क्रिकेटपटू शुभमन गिल लग्नबंधनात अडकणार असल्याच्या जोरदार चर्चा आहे. ते दोघे एकमेकांना डेट करत आहेत आणि लवकरच लग्न करणार आहेत. मात्र त्यांना आपलं लग्न मीडियापासून दूर ठेवायचं आहे , त्यामुळे ते गुपचूप लग्न करणार आहेत अशा अफवा गेले अनेक दिवस सोशल मीडियावर व्हायरल होत आहेत. आता या सगळ्या बातम्यांवर अभिनेत्रीने स्वतः पूर्णविराम लावला आहे. तिने एका मुलाखतीत याबद्दल उत्तर दिलं आहे. सोबतच एक पोस्ट शेअर करत तिने चाहत्यांचा समज दूर केलाय.

रिद्धिमाने नुकतीच फिल्मीग्यानला मुलाखत दिली. या मुलाखतीत बोलताना ती म्हणाली, 'पहिली गोष्ट मी त्याला ओळखत नाही. तो चांगला क्रिकेटर आहे हेच मला ठाऊक आहे. मी जेव्हा कधी त्याला भेटेन तेव्हा नक्कीच या गोष्टीवर आम्ही दोघेही हसू. तो खूप गोड आहे असं मला वाटतं पण खरंच असं काहीही नाहीये. आम्ही एकमेकांना डेट करत नाही आहोत. रिद्धिमाने इन्स्टाग्रामवर स्टोरी शेअर करत लिहिलं की, 'या गोष्टींमध्ये काहीही तथ्य नाही. जर मी लग्नाचा विचार करत असेन तर मी नक्कीच तुमच्याशी शेअर करेन. मी ते कधीही लपवणार नाही. मला नेहमी योग्य कारणांमुळे चर्चेत राहायचे आहे आणि माझ्या चाहत्यांना हे चांगलंच माहीत आहे.'

यासोबतच रिद्धिमाने इंस्टाग्राम स्टोरीवर एक व्हिडिओ शेअर केला आहे, ज्यामध्ये तिने म्हटलं,'माझ्या लग्नाबद्दल पत्रकारांच्या अनेक कॉल्सनेच मला जाग आली, पण कसलं लग्न? माझं लग्न होत नाहीये. मी लग्न करत नाहीये आणि माझ्या आयुष्यात असं काही महत्त्वाचे घडत असेल तर मी स्वतः पुढे येऊन या बातमीबद्दल सांगेन, पण या बातमीत तथ्य नाही. या अफवा आहेत.' रिद्धिमा ही 'बहू हमारी रजनीकांत' या मालिकेतून घराघरात पोहोचली.