Kalki 2898 AD Trailer: प्रभासच्या (Prabhas) 'कल्की 2898 एडी' (Kalki 2898 AD Trailer) या चित्रपटाची प्रेक्षक उत्सुकतेने वाट बघत आहेत. अशातच या चित्रपटाचा ट्रेलर आता प्रेक्षकांच्या भेटीला आला आहे. या ट्रेलरमध्ये प्रभाससोबतच अमिताभ बच्चन (Amitabh Bachchan), दीपिका पादुकोण (Deepika Padukone) आणि दिशा पटानी (Disha Patani) यांसारख्या कलाकरांची झलक बघायला मिळत आहे. हा ट्रेलर सध्या चाहत्यांची मनं जिंकतोय.

'कल्की 2898 एडी' या चित्रपटाच्या ट्रेलरमध्ये जबरदस्त अॅक्शन सीन्स आणि VFX दिसत आहेत. या ट्रेलरमध्ये काही विज्ञान संबंधित गोष्टी देखील दाखवल्या जातील. भैरव नावाच्या एका व्यक्तीवर या चित्रपटाची स्टोरी लाइन आधारित आहे. प्रभास ही भूमिका साकारत आहे.

पाहा ट्रेलर

चित्रपटाच्या ट्रेलरमध्ये दिसत आहे की, यात हिंदू धर्मग्रंथ 'महाभारत' मधूनही काही महत्त्वाच्या गोष्टी घेण्यात आल्या आहेत. यात 'अश्वत्थामा' हा विषय महत्त्वाचा असून अमिताभ बच्चन हे पात्र साकारत आहेत.

कल्की 2898 एडी या चित्रपटाचे दिग्दर्शन नाग अश्विन यांनी केले आहे. चित्रपटाची कथा देखील नाग अश्विन यांनीच लिहिली आहे, ही कथा त्यांनी 2019 मध्ये लिहायला सुरुवात केली होती.

अश्विन हे राष्ट्रीय पुरस्कार विजेता असून त्याला अनेकदा हा सन्मान देण्यात आला आहे. आता अशा दिग्दर्शकाने इतकी वर्षे कथेवर काम केले आहे, त्यामुळे प्रेक्षकांमध्ये या चित्रपटाबद्दल उत्सुकता आहे.