Kangana Ranaut: इटलीच्या पंतप्रधान जॉर्जिया मेलोनी (Giorgia Meloni) यांनी शनिवारी (15 जून) पंतप्रधान नरेंद्र मोदींसोबतचा (Narendra Modi) एक व्हिडीओ सोशल मीडियावर शेअर केला. हा व्हिडीओ सोशल मीडिया प्लॅटफॉर्म्सवर व्हायरल झाला आहे. या व्हिडीओमध्ये जॉर्जिया मेलोनी या "हॅलो फ्रॉम मेलोडी टीम", असं म्हणताना दिसत आहेत. या व्हिडीओवर आता कंगना रनौतनं (Kangana Ranaut) प्रतिक्रिया दिली आहे. कंगनानं सोशल मीडियावर पोस्ट शेअर करुन यावर प्रतिक्रिया दिली आहे.

कंगनाची पोस्ट

कंगनानं पंतप्रधान मोदींचा आणि मेलोनी यांचा व्हिडीओ इन्स्टाग्रामवर शेअर करुन पोस्टमध्ये लिहिलं, "मोदीजींचा सर्वात चांगला गुण म्हणजे ते महिलांना असे वाटू देतात की, ते त्यांच्यासोबत आहेत. त्यामुळे मोदीजी टीम मेलोनी आहेत, असे पंतप्रधान मेलोनी यांना वाटते, यात काही आश्चर्य नाही"

इटलीतील अपुलिया येथे झालेल्या G7 शिखर परिषदेत पंतप्रधान मोदी आणि मेलोनी यांनी एक सेल्फी देखील काढला.शिखर संमेलनस्थळी पोहोचल्यावर मेलोनी यांनी नमस्ते करुन पंतप्रधान मोदींचे स्वागत केले.

पंतप्रधान नरेंद्र मोदी हे इटलीच्या मेलोनी यांच्या निमंत्रणावरून 2024 च्या G7 शिखर परिषदेला उपस्थित राहिले. "भारताला G7 शिखर परिषदेचा भाग होण्यासाठी आमंत्रित केल्याबद्दल धन्यवाद,", असं मोदींना ट्वीटमध्ये लिहिलं.

कंगना ही लवकरच 'इमर्जन्सी' या चित्रपटातून प्रेक्षकांच्या भेटीला येणार आहे. या चित्रपटात ती माजी पंतप्रधान इंदिरा गांधी यांची भूमिका साकारताना दिसणार आहे. या चित्रपटात अनुपम खेर, श्रेयस तळपदे, दिवंगत सतीश कौशिक आणि महिमा चौधरी देखील आहेत.