Mumbai : मुंबईच्या रस्त्यावर रवीनावर झालेल्या धक्काबुक्कीचा व्हिडीओ सोशल मीडियावर गाजतोय. सुरुवातील रवीनाने दारूच्या नशेत वृद्धेला मारहाण केल्याच्या आरोपवावरून तिला धक्काबुक्की केल्याचं म्हंटलं जात होतं. पण नुकतंच पोलिसांनी दिलेल्या बातमीनुसार, रवीनाने (Raveena Tandon) दारू प्यायली नव्हती आणि तिने कुणालाच मारहाण केली नाही हे स्पष्ट केलं.

सोशल मीडियावर तिचा हा व्हिडीओ व्हायरल झाल्यानंतर अभिनेत्री आणि सध्या राजकारणात सक्रिय झालेल्या कंगना रनौतने (Kangana Ranaut) रवीनाचं समर्थन केलं आणि तिच्याबाबत घडलेल्या घटनेबाबत खेद व्यक्त केला.

पोस्टमधून व्यक्त केला संताप

सोशल मीडियावर कंगनाने एक पोस्ट शेअर करत तिचा संताप व्यक्त केला. ती म्हणाली," रवीना टंडन जी यांच्यासोबत जे काही झालं ते खूप चिंताजनक आहे ; जर दुसऱ्या समाजातील अजून ५-६ लोकं असते तर त्याची मारून मारून हत्या केली असती आणि तिलाही हानी पोहोचवली असती. आम्ही अशा संतापजनक घटनेचा निषेध करतो आणि त्या संबंधित व्यक्तींना शिक्षा झाली पाहिजे. अशा हिंसक व्यवहार असलेल्या व्यक्तींना सोडलं नाही पाहिजे."

कंगनाची ही पोस्ट सध्या सोशल मीडियावर चर्चेत आहे.

काय घडलं नेमकं?

सोशल मीडियावर रवीना आणि तिच्या ड्रायव्हरचा एक व्हिडीओ व्हायरल झाला. या व्हिडिओमध्ये रवीना लोकनाच्या गर्दीला थांबवण्याचा प्रयत्न करताना दिसतेय तर एक पुरुष आणि एक स्त्री तिच्यावर मारहाणीचा आरोप करताना दिसत आहेत.

पण पोलिसांनी केलेल्या तपासानुसार तसं काहीही घडलं नसून ते कुटूंब खोटं बोलत असल्याचा दावा पोलिसांनी केला. पोलिसांनी सिसीटिव्ही फुटेज तपासलं असताना त्यांना ड्रायव्हरने कोणालाही मारहाण केली नसल्याचं दिसलं. तर रवीना आणि तिचा ड्रायव्हर अजिबात दारूच्या नशेत नव्हते हे पोलिसांनी स्पष्ट केलं.

दरम्यान, दोन्ही ग्रुपमध्ये झालेल्या वादानंतर खार पोलीस स्टेशनला तक्रार दोघांकडून दाखल करण्यात आली. पण काही काळाने दोघांनीही अर्ज दाखल करून तक्रार मागे घेतल्याचं पोलीस अधिकाऱ्यांनी मिड डे या वृत्तपत्राला दिलेल्या मुलाखतीत सांगितलं.