Vicky Kaushal: अभिनेत्री कियारा अडवानीने आतापर्यंत मोठमोठ्या कलाकारांबरोबर काम केले आहे. तिचा असा एक वेगळा चाहतावर्ग आहे. सिद्धार्थ मल्होत्राशी लग्नगाठ बांधल्यानंतर ती चित्रपटांमध्ये काहीशी कमी दिसत आहे, मात्र आता तिचा ‘बॅड न्यूज’ हा चित्रपट प्रदर्शनाच्या मार्गावर आहे.

या चित्रपटामध्ये ती अभिनेता विकी कौशलबरोबर काम करीत आहे. यापूर्वी त्यांनी ‘लस्ट स्टोरीज’मध्ये एकत्र काम केले होते. हा चित्रपट कियारासाठी टर्निंग पाॅईंट ठरला होता. आता ‘बॅड न्यूज’साठी ते एकत्र आलेले आहेत. या चित्रपटाचे जोरदार प्रमोशन सुरू आहे. यादरम्यान विकीने कियाराची खूप स्तुती केली.

तो म्हणाला, की कियारा इंडस्ट्रीतील माझ्या आवडत्या व्यक्तींपैकी एक आहे. मी तिच्यावर एक माणूस म्हणून प्रेम करतो आणि मी तिच्यावर एक अभिनेता म्हणून प्रेम करतो. आम्ही अनेकदा बोलत नाही आणि भेटत नाही, पण मला तिच्यासोबत ‘लस्ट स्टोरीज’मध्ये काम करायला आवडले आणि मी तिच्यासोबत ‘गोविंदा नाम मेरा’मध्ये काम केले.

तो पुढे म्हणाला, ‘‘तिच्यासोबत काम करताना मला वेगळीच मजा वाटते. आमचे ऑनस्क्रीन बाॅण्डिंग खूप छान आहे. तिचा मी आदर करतो आणि तिच्या कामावर मी खूप प्रभावित आहे.