Madhuri Dixit Tell Homemade Oil Recipe: बॉलिवूडची धकधक गर्ल माधुरी दीक्षित (Madhuri Dixit) ही तिच्या अभिनयानं आणि नृत्यानं प्रेक्षकांची मनं जिंकते. माधुरीचा चाहता वर्ग मोठा आहे. विविध कार्यक्रमांमधून आणि चित्रपटांमधून माधुरी प्रेक्षकांच्या भेटीला येते. तसेच माधुरीचे स्वत:चे युट्यूब चॅनल देखील आहे. या युट्यूब चॅनलवर व्हिडीओ शेअर करुन माधुरी चाहत्यांना ब्युटी टीप्स देत असते. माधुरीनं तिच्या युट्यूब चॅनलवर व्हिडीओ शेअर करुन चाहत्यांना काही हेअर केअर टीप्स दिल्या होत्या. यामध्ये माधुरीनं एक तेल तयार करण्याची सोपी (Homemade Oil) पद्धत चाहत्यांना सांगितली होती. हे खास तेल माधुरी स्वत: नियमितपणे केसांना लावते. हे तेल कसं तयार करायचं? याबाबत जाणून घेऊयात...

तेल तयार करण्यासाठी लागणारं साहित्य-

• खोबरेल तेल - 1/2 कप

• कप मेथी दाणे - 1 चमचा

• 1 बारिक चिरलेला कांदा

• कढीपत्ता - 15-20 पाने

कसं तयार करायचं तेल?

सर्वप्रथम एक कढई घ्या त्यात तेल टाका. तेल थोडे गरम झाल्यावर त्यात कांदा, मेथी, कढीपत्ता आणि तीळ घाला. हे मिश्र एका चमच्यानं हलवून घ्या. 20-30 मिनिटे हे तेल गरम झाल्यानंतर गॅस बंद करा. हे तेल एका काचेच्या बाटलीमध्ये गाळणीनं गाळा. त्यानंतर हे तेल दोन दिवस काचेच्या बाटलीत ठेवा.नंतर तीसऱ्या दिवशी तुम्ही हे तेल डोक्याला लावू शकता.

माधुरीनं दिलेल्या हेअर केअर टीप्स-

• हेअर कट वेळच्या वेळी करा. त्यानं split hair निघून जातात.

• केस कोमट पाण्यानं धुवा, केस धुताना जास्त गरम पाणी वापरु नका.

• केस धुताना शॅम्पू फक्त केसांच्या मूळांना लावा आणि कंडिशर केसांना लावा.

• नियमित केसांना तेल लावून मसाज करा.