Maharashtrachi Hasyajatra: छोट्या पडद्यावरील ‘महाराष्ट्राची हास्यजत्रा’ (Maharashtrachi Hasyajatra) या कार्यक्रमाला प्रेक्षकांची विशेष पसंती मिळाली. या कार्यक्रमातील कलाकारांनी त्यांच्या विनोदी शैलीनं प्रेक्षकांची मनं जिंकली आहेत. ‘महाराष्ट्राची हास्यजत्रा’ या शोमधील कलाकारांचा चाहता वर्ग मोठा आहे. हे कलाकार सोशल मीडियावर देखील सक्रिय असतात. सोशल मीडियावर ते विविध फोटो आणि व्हिडीओ शेअर करतात. त्यांच्या पोस्टला नेटकऱ्यांची पसंती मिळते. अशातच आता ‘महाराष्ट्राची हास्यजत्रा’ या शोमधील एका अभिनेत्यानं कोकणातील एक खास व्हिडीओ सोशल मीडियावर शेअर केला आहे. या व्हिडीओनं अनेकांचे लक्ष वेधले आहे.

निखिल बनेनं शेअर केला व्हिडीओ

‘महाराष्ट्राची हास्यजत्रा’ फेम अभिनेता निखिल बने यानं कोकणातील व्हिडीओ शेअर केला आहे. सध्या “वन लव्ह…” या गाण्याचे ट्रेंड सोशल मीडियावर सुरु आहेत. याच गाण्यावरील व्हिडीओ निखिलनं शेअर केला. या व्हिडीओमध्ये नारळाची झाडं, आंबा आणि कौलारू घरं या गोष्टी दिसत आहेत. निखलनं या व्हिडीओला कॅप्शन दिलं,“कोकणचो वन लव्ह” निखिलच्या या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.

निखिल हा ‘महाराष्ट्राची हास्यजत्रा’ या कार्यक्रमाच्या माध्यमातून प्रेक्षकांच्या भेटीला येत आहे. काही दिवसांपूर्वीच त्याचा ‘बॉईज 4’ या चित्रपट रिलीज झाला होता. निखिलच्या आगामी प्रोजेक्ट्सची प्रेक्षक उत्सुकतेने वाट बघत आहेत.

‘महाराष्ट्राची हास्यजत्रा’ शो जिंकतोय प्रेक्षकांची मनं

‘महाराष्ट्राची हास्यजत्रा’ या कार्यक्रमाचे परीक्षण सई ताम्हणकर आणि प्रसाद ओक करतात. तर या कार्यक्रमाचे सूत्रसंचालन प्राजक्ता माळी करते. समीर चौघुले, प्रियदर्शनी इंदलकर, शिवाली परब आणि गौरव मोरे या कलाकारांच्या ‘महाराष्ट्राची हास्यजत्रा’ या कार्यक्रमातील कॉमेडीला प्रेक्षकांची पसंती मिळते.