लेखिका, निर्माती व दिग्दर्शिका, तसेच अभिनेत्री कांचन अधिकारी यांचा ‘जन्मऋण’ हा चित्रपट शुक्रवारपासून सगळीकडे प्रदर्शित होत आहे. ‘आभाळमाया’ या गाजलेल्या मालिकेत काम करणारी जोडी अर्थात मनोज जोशी आणि सुकन्या मोने-कुलकर्णी या चित्रपटामध्ये मुख्य भूमिका साकारीत आहेत.

लेखिका मंजुश्री गोखले यांच्या ‘आवर्तन’ या कादंबरीवर बेतलेला हा चित्रपट आहे. मंजुश्री गोखले यांच्या साहित्यकृतीवर आतापर्यंत मालिका आणि नाटके आली आहेत. आता त्यांनीच लिहिलेल्या सत्य घटनेवरील कादंबरीवर हा चित्रपट येत आहे.

आजवर निव्वळ भारतात ३२,००० च्या वर केसेसमध्ये स्वतःच्या मुलानेच आपल्या आई-वडिलांना त्यांच्या म्हातारपणी आपल्यापासून दूर केलेले आहे. हा चित्रपट याच विषयावर आधारित आहे. मुलांनी आई-वडिलांना प्रेमाने व आदराने वागवावे केवळ याच एका सद्भावनेने या चित्रपटाची निर्मिती करण्यात आली आहे. गणेश फिल्म्स’ निर्मित आणि ‘श्री.

अधिकारी ब्रदर्स’ प्रस्तुत या चित्रपटात मनोज जोशी, सुकन्या कुलकर्णी, सुशांत शेलार, तुषार आर. के., अनघा अतुल, शशी पेंडसे, प्रज्ञा करंदीकर, धनंजय मांद्रेकर, दर्पण जाधव, विराज जोशी आदी कलाकारांनी काम केले आहे. पाहुणे कलाकार म्हणून खास भूमिकेत हिंदी मालिका-चित्रपट