Ramayana: बॉलिवूडमधील प्रसिद्ध अभिनेता रणबीर कपूर (Ranbir Kapoor) सध्या त्याच्या 'रामायण' (Ramayana) या चित्रपटामुळे चर्चेत आहे. या चित्रपटाची प्रेक्षक उत्सुकतेने वाट बघत आहेत. अशातच काही दिवसांपूर्वी या चित्रपटाच्या सेटवरील काही फोटो सोशल मीडियावर व्हायरल झाले. त्यामुळे आता चित्रपटाचे नितेश तिवारी खूप चिंतेत आहेत. नितेश तिवारी यांनी आता चित्रपटाच्या टीमसाठी काही नियम बनवले आहेत. या नियमांचे पालन चित्रपटाच्या टीमला करावे लागणार आहे.

'रामायण'च्या सेटवर 'नो फोन पॉलिसी'

'इंडिया टुडे' च्या रिपोर्टनुसार, 'रामायण' या चित्रपटाच्या सेटवरील फोटो लीक झाल्यामुळे चित्रपटाचे दिग्दर्शक नितेश तिवारी हे नाराज झाले आहेत. त्यामुळे त्यांनी सेटवर नो फोन पॉलिसीचं पालन करण्यास चित्रपटाच्या टीमला सांगितलं आहे. शूटिंग सुरू झाल्यावर अतिरिक्त कर्मचारी आणि क्रूनं सेटवरून बाहेर पडावे, असा नियम देखील नितेश तिवारी यांनी चित्रपटाच्या टीमसाठी बनवला आहे. रिपोर्टनुसार, फक्त आवश्यक कलाकार आणि तंत्रज्ञ सेटवर थांबू शकणार आहेत.

'रामायण'च्या सेटवरील लीक झालेल्या फोटोमध्ये दिसले 'हे' कलाकार

सोशल मीडियावर व्हायरल झालेल्या 'रामायण' या चित्रपटाच्या सेटवरील एका फोटोमध्ये अरुण गोविल हे दशरथ राजाच्या भूमिकेत दिसले तर अभिनेत्री लारा दत्ता ही कैकेयीच्या भूमिकेत दिसली. फोटोमध्ये अभिनेत्री शीबा चड्ढा या देखील दिसल्या.

'रामायण' या चित्रपटात रणबीर हा रामाची भूमिका साकारणार आहे. अभिनेत्री साई पल्लवी ही या चित्रपटात देवी सीतेची भूमिका साकारणार आहे तर या चित्रपटात सनी देओल हनुमानाची भूमिका साकारणार आहे.

रावणाच्या भूमिकेत दिसणार यश

'रामायण' या चित्रपटात अभिनेता यश रावणाची भूमिका साकारणार आहे. या चित्रपटा शूपर्णखाची भूमिका रकुल प्रीत सिंग साकारणार,म्हटलं जात आहे.

रामायणावर आधारित असणारा आदिपुरुष हा चित्रपट गेल्या वर्षी रिलीज झाला होता. या चित्रपटावर अनेकांनी टीका केली. आता नितेश तिवारी यांच्या 'रामायण' या चित्रपटाला प्रेक्षकांची पसंती मिळणार का? याकडे अनेकांचे लक्ष लागले आहे.