OTT Releases This Week: वीकेंडला विविध चित्रपट आणि वेब सीरिज बघायला अनेकांना आवडतात. नेटफ्लिक्स (Netflix), अॅमेझॉन प्राइम (Amazon Prime) यांसारख्या ओटीटी प्लॅटफॉर्मवर विविध विषयांवर आधारित असणाऱ्या वेब सीरिज (Web Series) आणि चित्रपट (Movies) रिलीज होत असतात. यंदाचा वीकेंड प्रेक्षकांसाठी खास असणार आहे. कारण ओटीटीवर अनेक वेब सीरिज आणि चित्रपट रिलीज होणार आहेत.
अभिनेता दिलजीत दोसांझ आणि अभिनेत्री परिणीती चोप्रा यांचा 'अमर सिंग चमकीला' हा चित्रपट आज (12 एप्रिल) रिलीज झाला आहे. या चित्रपटात पंजाबी गायक अमरसिंग चमकिला यांची कथा दाखवण्यात येणार आहे. या चित्रपटाची प्रेक्षक उत्सुकतेने वाट बघत होते. आता हा चित्रपट नेटफ्लिक्स या ओटीटी प्लॅटफॉर्मवर रिलीज झाला आहे.
जोनाथन नोलन आणि लिसा जॉय यांची 'फॉलआउट' ही वेब सीरिज रोल-प्लेइंग व्हिडिओ गेम फ्रँचायझीवर आधारित आहे. ही सीरिज आज (12 एप्रिल) रोजी अॅमेझॉन प्रामवर रिलीज होईल.
गामी हा तेलुगू चित्रपट ZEE5 वर आज (12 एप्रिल) प्रदर्शित होणार आहे. विद्याधर कागिता यांनी दिग्दर्शित केलेल्या या चित्रपटात हिमालयातील एक कथा दाखवण्यात आली आहे.
'प्रेमालू' हा मल्याळम चित्रपट रोमँटिक कॉमेडी-ड्रामा चित्रपट आहे. 3 कोटींच्या बजेटमध्ये बनलेल्या या चित्रपटाने बॉक्स ऑफिसवर धुमाकूळ घातला. आता 'प्रेमलू' हा चित्रपट आज (12 एप्रिल) डिस्ने+हॉटस्टारवर रिलीज झाला आहे.
एले मार्जा ईराचा 'स्टोलन' हा चित्रपट एन-हेलेन लास्टॅडियस यांनी लिहिलेल्या कादंबरीवर आधारित आहे. हा चित्रपट आज नेटफ्लिक्सवर प्रदर्शित झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.