Rinku Rajguru: मराठी सिनेसृष्टीतील प्रसिद्ध अभिनेत्री रिंकू राजगुरु (Rinku Rajguru) ही तिच्या अभिनयानं प्रेक्षकांची मनं जिंकते. रिंकूनं सैराट या चित्रपटातून अभिनय क्षेत्रात पाऊल टाकलं. त्यानंतर काही मराठी सिनेमांमध्ये तिनं काम केलं. रिंकूचा चाहता वर्ग मोठा आहे. काल (3 जून) रिंकूच्या वाढदिवसानिमित्त तिचे चाहते सोशल मीडियावर खास पोस्ट शेअर करत होते. रिंकूनं नुकताच तिच्या बर्थ-डे सेलिब्रेशनचा खास व्हिडीओ सोशल मीडियावर शेअर केला आहे. तिच्या व्हिडीओनं अनेकांचे लक्ष वेधले आहे.

रिंकूनं 'या' अभिनेत्यासोबत साजरा केला वाढदिवस

रिंकूनं अभिनेता शिव ठाकरेसोबत बर्थ-डे सेलिब्रेट केला आहे. रिंकूनं तिच्या बर्थ-डे सेलिब्रेशनचा व्हिडीओ सोशल मीडियावर शेअर केला. ज्यामध्ये ती केक खाताना दिसत आहे तसेच ती व्हिडीओमध्ये मरिन ड्राइव्ह येथे बसलेली दिसत आहे.

रिंकूच्या व्हिडीओमध्ये शिव दिसत नाही पण रिंकूनं व्हिडीओला दिलेल्या कॅप्शनमध्ये शिवच्या नावाचा उल्लेख केला आहे. रिंकूनं व्हिडीओला कॅप्शन दिलं,"हा माझ्या बर्थ-डे केकचा सर्वात गोड तुकडा आहे. वाढदिवसाच्या शुभेच्छा दिल्याबद्दल सर्वांचे आभार. माझा दिवस इतका खास बनवल्याबद्दल शिव ठाकरेचे देखील आभार"

पाहा व्हिडीओ:

मेकअप, झुंड हे रिंकूचे चित्रपट प्रेक्षकांच्या भेटीला आले. तसेच काही महिन्यांपूर्वी रिंकूचा झिम्मा-2 हा चित्रपट देखील रिलीज झाला होता.या चित्रपटानं बॉक्स ऑफिसवर धुमाकूळ घातला. सैराट या चित्रपटामुळे रिंकूला विशेष लोकप्रियता मिळाली. या चित्रपटात तिनं साकारलेल्या आर्ची या भूमिकेनं प्रेक्षकांची मनं जिंकली.