माझ्यासाठी प्रत्येक गोष्ट एक नवीन उत्साह घेऊन येते. अभिनय करताना एक उत्साह होता. निर्मिती आणि दिग्दर्शन करतानासुद्धा एक उत्साह होता. आपल्याला नेहमी उत्साहच ऊर्जा देत असतो आणि तीच ऊर्जा आपल्याला पुढे चालण्यासाठी प्रोत्साहन देते. त्यामुळे नेहमीच मला काहीतरी नवीन काम करायला आवडते आणि त्या कामातूनच एक वेगळा उत्साह आणि आनंद मिळतो.

मला हा फॉर्मेट प्रचंड आवडतो. मी बिग बॉस या शोचा खूप मोठा चाहता आहे. यापूर्वी हा शो मी पाहिलेला आहे. सलमान भाई तसेच महेश सर यांना सूत्रसंचालन करताना मी पाहिले आहे. एक होस्ट म्हणून तुमचे स्पर्धकांशी एक नातं जुळतं. ते मी नेहमी दुसऱ्यांना करताना पाहिले आहे. यामध्ये एक वेगळी मजा आहे आणि ती मजा आता मला एक्सप्लोर करायची आहे.

या सर्व गोष्टी परिस्थितीवर अवलंबून असतात. या कार्यक्रमातील स्पर्धक आहेत ना ते कोण कसे वागेल, कुणावर आवाज चढवायचा आहे आणि कुणाला समजवायचे आहे. जशी परिस्थिती निर्माण होईल, तसे मी वागेन. या सगळ्या गोष्टी त्या-त्या वेळी घडणार आहेत. आता स्पर्धक कोण आहेत, हे मला माहिती नाही.

मी या सगळ्यांपेक्षा वेगळा आहे आणि मी माझ्या पद्धतीने सूत्रसंचालन करणार आहे. माझी स्टाईल निराळी असणार आहे आणि त्याच स्टाईलने काम करणार आहे.

जितेंद्र जोशी आणि सिद्धार्थ जाधव. हे दोन्ही कलाकार या बिग बाॅसच्या घरात आले, तर ते मला नक्कीच आवडेल. कारण ते आले तर बिग बाॅसच्या घरात कल्ला अधिक होईल.

आम्ही असे काही ठरवत नाही. एखादा कलाकार बिग बाॅसमधून आला आहे म्हणून त्याला संधी द्यावी, असा आमच्या कंपनीचा निकष नाही. आम्ही त्याचे टॅलेंट पाहतो. त्याचे फॅन्स फाॅलोईंग किती आहे आणि आम्ही ज्या भूमिकेसाठी त्याची निवड करणार आहोत, त्यासाठी तो योग्य आहे का, ते पाहतो आणि मगच त्याला घेतो.

मी आतापर्यंत प्रामाणिकपणे काम केले आहे आणि त्यामुळेच मला मिळालेले यश मी टिकवून ठेवले आहे. विशेष बाब म्हणजे माझ्या चाहत्यांनी माझ्यावर खूप प्रेम केले. माझ्या कलाकृतीला त्यांनी नेहमीच उत्तम प्रतिसाद दिला. त्यांचे प्रेम आणि आशीर्वाद नेहमीच माझ्या मागे राहिला. त्यामुळे मी हे यश टिकवून ठेवू शकलो. मी माझ्या चाहत्यांचा त्याबाबत आभारी आहे. आतापर्यंत त्यांनी जे प्रेम मला दिले तेच प्रेम यापुढेही मला मिळेल, अशी आशा आहे.

यशाबरोबरच अपयशदेखील मी जवळून पाहिले आहे; पण त्याला कधी घाबरलो नाही किंवा भीतीने हे क्षेत्र कधी सोडले नाही. अपयशातून नवीन काही तरी शिकत गेलो. कारण अपयश हे आपल्याला काही तरी धडा शिकवते. तो धडा घेऊनच आपण पुढील वाटचाल जोमाने करायची असते.

मराठीमध्ये चांगले चित्रपट बनत आहेत; परंतु त्यातील काही चित्रपट प्रेक्षकांना आवडत आहेत तर काही नाही आवडत. कोणता चित्रपट प्रेक्षकांना आवडेल आणि कोणता नाही हे काही सांगू शकत नाही. कधी कधी चांगले चित्रपटदेखील चालत नाहीत, याचे दुःख होते; तरीही मला असे वाटते की मराठीमध्ये स्क्रीप्टवर अधिक चांगले काम होणे आवश्यक आहे. मराठी प्रेक्षकांचा अभिरुची पाहून स्क्रीप्टवर अधिकाधिक काम करणे गरजेचे आहे.