Viral Video Of Marathi Actors : सचिन पिळगावकर आणि अशोक सराफ ही सुपरहिट जोडी पुन्हा एकदा 'नवरा माझा नवसाचा २' या सिनेमाच्या निमित्ताने प्रेक्षकांच्या भेटीस येतेय. या सिनेमाविषयी सगळेजण उत्सुक असतानाच या जोडीचा एक व्हिडीओ सोशल मीडियावर व्हायरल झाला आहे.

अशोक मामा आणि सचिन पिळगावकर यांनी नुकताच कीर्ति कॉलेज येथील प्रसिद्ध अशोक वडापावचा आस्वाद घेतला सोशल मीडियावर त्यांनी हा व्हिडीओ पोस्ट करताच अल्पावधीतच हा व्हिडीओ. व्हायर झाला. या व्हिडीओमध्ये सचिन यांनी वडापावचं भरभरून कौतुक केलं. 'अशोक वडापाव विथ अशोक वडाभाव' अशी कोटीही त्यांनी यावेळी केली. सिनेमा रिलीजची तारीख जाहीर केल्यानंतर सचिन आणि अशोक मामांनी आवर्जून अशोक वडापावला भेट देत तेथील स्वादिष्ट वडापाव खाल्ला.

सचिन यांच्या या व्हिडिओवर अनेकांनी भन्नाट कमेंट्स केल्या. अनेकांना आमच्यासारखे आम्हीच या अशोक सराफ आणि सचिन यांच्या गाजलेल्या सिनेमाची आठवण झाली. "आमच्या सारखे आम्ही चा तो सिन आठवला, 2किलो भजी बांध रे😍😍🔥🔥" अशी कमेंट एकाने केली आहे तर एका युझरने "माझ्या आवडीचे पदार्थ मी दाबून खातो 😂😂 in real" अशी कमेंट करत सचिन यांच्या एका जुन्या गाजलेल्या जाहिरातीची आठवण करून दिली. तर एकाने "आचाराची बायको वेडी काय , बायकोच्या जाणव्याला किल्ली काय .......😂😂😂😂😂 मस्त सर खूप छान वाटत तुम्हाला दोघांना बघून पण लक्ष्मिकांत बेर्डे सर पाहिजे होते आता 👏👏 खरच" असं म्हणत लक्ष्मीकांत यांची आठवण काढली.

सचिन पिळगावकर आणि अशोक सराफ या गाजलेल्या जोडीचा 'नवरा माझा नवसाचा २' हा सिनेमा २० सप्टेंबर २०२४ ला रिलीज होतोय. या सिनेमात या दोघांबरोबर सुप्रिया पिळगावकर, स्वप्नील जोशी, हेमल इंगळे, निर्मिती सावंत, वैभव मांगले यांच्याही मुख्य भूमिका आहेत. हा सिनेमा पाहण्यासाठी अनेकजण उत्सुक आहेत.