Salman Khan: बॉलिवूडमधील प्रसिद्ध अभिनेता अभिनेता सलमान खानच्या (Salman Khan) घराच्या बाहेर 14 एप्रिल रोजी गोळीबार करण्यात आला. या प्रकरणातील आरोपींना पोलिसांनी अटक केली आहे. या घटनेनंतर पोलिसांनी सलमानच्या घराबाहेरील सुरक्षा वाढली. तसेच सलमान हा या घटनेमुळे गेल्या काही दिवसांपासून चर्चेत आहे. आता या घटनेनंतर सलमान खान लंडनला पोहोचला आहे. लंडनमधील त्याचे फोटो सोशल मीडियावर व्हायरल झाले आहेत.
यूकेमधील ब्रेंट नॉर्थ मतदारसंघातील खासदार बॅरी गार्डिनर (Barry Gardiner) यांची सलमान खाननं लंडनमध्ये भेट घेतली. त्यांचे फोटो सोशल मीडियावर व्हायरल झाले आहेत. बॅरी गार्डिनर यांनी ट्विटरवर (एक्स) वेम्बली स्टेडियममधील सलमानसोबतचे फोटो शेअर केले आहेत. या फोटोमध्ये सलमान आणि बॅरी गार्डन हे एकमेकांसोबत बोलताना दिसत आहेत.
बॅरी गार्डिनर यांनी सलमानसोबतचे फोटो शेअर करुन कॅप्शनमध्ये लिहिलं, "टाइगर जिंदा है और लंदन में है.आज सलमान खानचे वेम्बली येथे स्वागत करताना आनंद होत आहे." बॅरी गार्डिनर यांनी शेअर केलेल्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.
सलमाननं काही दिवसांपूर्वी त्याच्या सिकंदर या आगामी चित्रपटाची घोषणा केली. तसेच त्याचे किक 2, पठाण वर्सेज टायगर हे देखील प्रेक्षकांच्या भेटीला येणार आहेत. सलमानच्या आगामी चित्रपटांची प्रेक्षक उत्सुकतेने वाट बघत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.