Bollywood Entertainment News : 2012 साली रिलीज झालेली गँग्स ऑफ वासेपूर सिनेमा आजही प्रेक्षकांचा लाडका आहे. या सिनेमातील सगळ्या भूमिका, सगळी पात्र आजही प्रेक्षकांच्या मनावर राज्य करतात. या सिनेमातील अनेक मिम्स बनले असून हे मिम्स सोशल मीडियावर व्हायरल आहेत. यातीलच एक गाजलेला सीन म्हणजे सरदार खान (मनोज वाजपेयी) आणि दुर्गा (रीमा) यांच्यातील रोमँटिक सीन.

काय आहे तो सीन ?

गँग्स ऑफ वासेपूर या सिनेमात मनोज वाजपेयी यांनी सरदार खान ही भूमिका साकारली होती आणि अभिनेता रीमा दुर्गा या भूमिकेत दिसल्या होत्या. लग्न झालेलं असूनही सरदार खान दुर्गाच्या प्रेमात पडतो आणि त्यांचं प्रेमप्रकरण या सिनेमात दाखवलं गेलं होतं. आणि तो व्हायरल झालेला सीन असा आहे कि, दुर्गा कपडे धुवत असते. सरदार खान मागून येतो आणि तिच्याजवळ बसून तिला पाहू लागतो. त्यामुळे दुर्गा लाजत असते आणि सरदार खान तिची नक्कल करत असतो आणि नंतर म्हणतो कि, "तुला येणाऱ्या फिटचा इलाज माझ्याकडे आहे."

मनोज वाजपेयींचा खुलासा

हा सिनेमा रिलीज झाल्यावर काही काळाने हा सीन सोशल मीडियावर मिम बनला. एका मुलाखतीमध्ये मनोज वाजपेयी यांनी या सीनमागचा किस्सा शेअर केला. ते म्हणाले,"या सिनेमातील बरेच सीन्स आम्ही इम्प्रोवाईज केले आहेत. दुर्गा कपडे धुतानाचा सीनही इम्प्रोवाईजच केलेला होता. नंतर तो लोकांनी मीम म्हणून वापरला. सिनेमातील अनेक सीन्सचे मीम आता बनवले जातात पण या सिनेमातील ज्या ज्या सीन्सचे मीम बनवले आहेत त्यातील बहुतेक इम्प्रोवाईज सीन्स आहेत जे आम्ही वर्कशॉप दरम्यान केले होते आणि नंतर ते फिल्ममध्ये चित्रित केले गेले. अनुराग असाच दिग्दर्शक आहे. सिनेमातील कलाकार आणि टेक्निशियन मंडळींचं तो ऐकतो आणि त्यानुसार तो स्क्रिप्टमध्येही बदल करतो. बऱ्याचदा स्क्रिप्ट पुन्हा लिहिलंही जातं. "

सिनेमाविषयी अधिक माहिती

अनुराग कश्यप दिग्दर्शित हा सिनेमा सुपरहिट ठरला होता. विकी कौशलने या सिनेमासाठी असिस्टंट दिग्दर्शक म्हणून काम केलं होतं.