रिलायन्स इंडस्ट्रीचे अध्यक्ष मुकेश अंबानी आणि नीता अंबानी अंबानी यांच्या मुलाचा शाही विवाहसोहळा १२ जुलै रोजी मोठ्या थाटामाटात पार पडला. अनंत अंबानी राधिका मर्चंटसोबत विवाहबंधनात अडकला. मुंबईतील जिओ वर्ल्ड सेंटर येथे हा विवाह पार पडला, त्यांच्या लग्नसोहळ्याला बॉलिवूमधील अनेक दिग्गज कलाकार हजर होते. ग्रँड पद्धतीने हा विवाह पार पडला. या विवाहाचे अनेक व्हिडिओ सध्या सोशल मीडियावर व्हायरल होत आहेत. त्यातील किंग खानचा एक व्हिडिओ सगळ्यांचं लक्ष वेधून घेत आहे. बॉलिवूडचा बादशाह असलेल्या शाहरुखने या व्हिडिओमधून सगळ्यांची मनं जिंकली आहेत.

शाहरुख त्याच्या अभिनयासोबतच त्याच्या वागणुकीसाठीही चाहत्यांमध्ये चर्चेत असतो. त्याच्यावरच्या संस्कारांचं कायमच कौतुक होताना दिसतं. आताही त्याने असंच काहीतरी केलं आहे. सगळ्यांसमोर मोठ्यांचे आशीर्वाद घेण्यास, त्यांच्यासमोर झुकण्यात त्याला कसलाही कमीपणा वाटत नाही हे त्याने पुन्हा एकदा सिद्ध केलं आहे. शाहरुखचा एक व्हिडिओ व्हायरल होतोय ज्यात तो महानायक अमिताभ बच्चन यांचे आशीर्वाद घेताना दिसतोय. या व्हिडिओत अमिताभ आणि जया बच्चन उभ्या असलेल्या ठिकाणी शाहरुख स्वतःहून जातो आणि बिग बींच्या पाया पडतो. त्यांच्या पाठोपाठ तो जया यांच्याही पाया पडून आशीर्वाद घेतो.

त्यापूर्वी तिथे बसलेल्या रजनीकांत आणि त्यांच्या पत्नीकडे शाहरुख स्वतःहून जातो आणि त्यांना हात जोडून नमसकार करतो. सचिन तेंडुलकर यालाही हात जोडून नमस्कार करतो. त्याच्या या कृतीचं सोशल मीडियावर जोरदार कौतुक होत आहेत. नेटकरी त्याच्यावर फिदा झाले आहेत. शाहरुखच्या या सवयींमुळेच तो बॉलिवूडचा किंग खान आहे असं म्हणत चाहते त्याच्या वागण्याचं कौतुक करत आहेत. हा व्हिडिओ सध्या सोशल मीडियावर प्रचंड व्हायरल होत आहे.