Raj Kundra| बिटकॉईन फसवणूक प्रकरणात अभिनेत्री शिल्पा शेट्टीसह राज कुंद्राला जुहू आणि पुण्यातील मालमत्ता रिकामी करण्याची नोटीस ईडीने बजावली आहे. या कारवाईला स्थगिती देण्याची मागणी मुंबई उच्च न्यायालयात करण्यात आली आहे.

बिटकॉईन गुंतवणूक फसवणूक प्रकरणात कुंद्रा दाम्पत्याला २७ सप्टेंबर रोजी ईडीने नोटीस बजावली होती. जुहू येथील घर तसेच पुण्यातील पवना धरणाजवळ असलेले फार्महाऊस रिकामे करण्याचे या नोटिशीत नमूद आहे.

या कारवाईला स्थगिती देण्याची मागणीसाठी कुंद्रा दाम्पत्याकडून दाखल याचिकेवर बुधवारी (ता.९) न्या.रेवती मोहिते डेरे आणि न्या.पृथ्वीराज चव्हाण यांच्या खंडपीठासमोर सुनावणी झाली. यावेळी ईडीला भूमिका स्पष्ट करण्याचे नोटीस बजावत न्यायालयाने सुनावणी १० ऑक्टोबरपर्यंत तहकूब केली.