Shraddha Kapoor: अल्पावधीतच सोशल मीडिया सेन्सेशन बनलेली अभिनेत्री श्रद्धा कपूर (Shraddha Kapoor) कायमच काही ना काही कारणांमुळे चर्चेत असते. आता श्रद्धा रिलेशनशलिपमध्ये असल्याच्या चर्चा रंगू लागल्या आहेत. सोशल मीडियावर सध्या तिचा एक फोटो व्हायरल होतोय आणि या फोटोमुळे तिचं लव्ह लाईफ चर्चेत आलंय.

नुकतंच श्रद्धाने सोशल मीडियावर एक फोटो शेअर केला. या फोटोमध्ये श्रद्धा पहाडी भागात व्हेकेशनला गेल्याच दिसून येतंय. खिडकीत बसलेली श्रद्धा आणि मागे बर्फाळ डोंगर हा तिचा फोटो सध्या सोशल मीडियावर गाजतोय पण त्यासोबतच आणखी एक फोटो व्हायरल झालाय. श्रद्धाचा तथाकथित बॉयफ्रेंड राहुल मोदीचा फोटोही चर्चेत आहे. राहुलनेही शेअर केलेल्या फोटोमध्ये सारखा बॅकग्राऊंड दिसतोय. त्यामुळे ते दोघं एकत्र फिरायला गेल्याच्या चर्चा सोशल मीडियावर रंगल्या आहेत.

श्रद्धा आणि राहुल गेला काही काळ एकमेकांना डेट करत असल्याच्या चर्चा इंडस्ट्रीत आहेत. राहुल हा 'तू झुठी में मक्कार' या सिनेमाचा दिग्दर्शक आहे.

हिंदुस्थान टाईम्स च्या हवाल्याने सूत्रांनी दिलेल्या माहितीनुसार राहुल आणि श्रद्धा एकमेकांना डेट करत असून ते इतक्यात तरी त्यांचं नात पुढे नेण्याचा विचार करत नाहीयेत. त्यांचं नातं आता मजबूत झालं असून त्याचे एकत्र फोटोग्राफ्स काढायला त्यांची काहीही हरकत नसली तरीही अजून ते लग्न कधी करणार यावर त्यांनी विचार केला नाहीये.

या आधी ही जोडी अनंत अंबानीच्या प्री वेडिंग कार्यक्रमात सहभागी झाली होती. त्यानंतरही ते अनेकदा एकत्र दिसले आहेत. त्यांच्या डिनर डेटचे फोटोही सोशल मीडियावर व्हायरल झाले होते.

प्रोफेशनल फ्रंटवर श्रद्धाचा गेल्या वर्षी तू झूठी में मक्कार हा सिनेमा प्रेक्षकांच्या भेटीस आला. तर आता ती स्त्री 2 मधून प्रेक्षकांच्या भेटीस येणार आहे. या आधी तिचे स्त्री, आशिकी 2, बागी, एबीसीडी 2 हे सिनेमे गाजलर होते. याशिवाय श्रद्धाचे मराठी बोलतानाचे व्हिडिओही सोशल मीडियावर सगळ्यांचं लक्ष वेधून घेतात.