Swatantra Veer Savarkar: अभिनेता रणदीप हुड्डाचा (Randeep Hooda) 'स्वातंत्र्य वीर सावरकर' (Swatantra Veer Savarkar) या चित्रपटाला प्रेक्षकांची पसंती मिळाली. या चित्रपटानं बॉक्स ऑफिसवर धुमाकूळ घातला. अशातच आता हा चित्रपट ओटीटीवर रिलीज होणार आहे. हा चित्रपट 22 मार्च 2024 रोजी थिएटरमध्ये प्रदर्शित झाला होता. आता थिएटरमध्ये रिलीज झाल्यानंतर जवळपास दोन महिन्यांनी हा चित्रपट ओटीटीवर रिलीज होत आहे. 'स्वातंत्र्य वीर सावरकर' हा चित्रपट कधी आणि कोणत्या ओटीटी प्लॅटफॉर्मवर रिलीज होणार? जाणून घेऊयात...

'स्वातंत्र्य वीर सावरकर' या चित्रपटातील रणदीप हुडाच्या अभिनयाचे खूप कौतुक झाले. या चित्रपटासाठी रणदीपने काही किलो वजनही कमी केले होते. त्याचे हे जबरदस्त ट्रान्सफॉर्मेशन पाहिल्यानंतर प्रेक्षक थक्क झाले. आता 'स्वातंत्र्य वीर सावरकर' या चित्रपटाची ओटीटी रिलीज डेट जाहीर करण्यात आली आहे. ज्यांनी हा चित्रपट थिएटरमध्ये पाहिला नाही, आता ते प्रेक्षक हा चित्रपट ओटीटीवर घरबसल्या पाहू शकणार आहेत.

स्वातंत्र्य वीर सावरकर हा चित्रपट वीर सावरकरांच्या 141 व्या जयंतीनिमित्त हा चित्रपट ओटीटीवर रिलीज केला जाणार आहे. 28 मे 2024 रोजी ZEE5 वर स्वातंत्र्य वीर सावरकर हा चित्रपट प्रदर्शित होणार आहे.

रणदीप आणि अंकिता लोखंडे यांच्याशिवाय या चित्रपटात अमित सियालने गणेश दामोदर सावरकर यांची भूमिका, राजेश खेरा यांनी महात्मा गांधींची भूमिका, लोकेश मित्तल यांनी बाबासाहेब आंबेडकर यांची भूमिका साकारली आहे.

या चित्रपटाचे दिग्दर्शन रणदीरनं केलं आहे. तसेच त्यानं या चित्रपटाची सहनिर्मिती आणि सहलेखनही केले आहे.