OTT Movie Releases: बॉलिवूडमधील प्रसिद्ध अभिनेता शाहिद कपूर (Shahid Kapoor) आणि क्रिती सेनन (Kriti Sanon) यांच्या 'तेरी बातों में ऐसा उलझा जिया' (Teri Baaton Mein Aisa Uljha Jiya) या चित्रपटाला प्रेक्षकांची पसंती मिळाली. या सायन्स फिक्शन रोमँटिक कॉमेडी चित्रपटाचं अनेकांनी कौतुक केलं. अशातच आता हा चित्रपट ओटीटी प्लॅटफॉर्मवर रिलीज झाला आहे. हा चित्रपट कोणत्या ओटीटी प्लॅटफॉर्मवर प्रेक्षक पाहू शकतात? हे जाणून घेऊयात...
अनेक सिनेप्रेमींनी ओटीटीवर विविध चित्रपट बघण्याची आवड असते. काही प्रेक्षक थिएटरमध्ये जाऊन सिनेमा बघण्याऐवजी ओटीटीवर सिनेमा बघतात. अशातच आता ज्यांनी , शाहिद कपूर आणि क्रिती सेनन यांचा 'तेरी बातों में ऐसा उलझा जिया' हा चित्रपट थिएटरमध्ये जाऊन नाही पाहिला ते आता हा चित्रपट ओटीटीवर पाहू शकतात. प्राइम व्हिडीओ या ओटीटी प्लॅटफॉर्मवर हा चित्रपट रिलीज झाला आहे.
'तेरी बातों में ऐसा उलझा जिया' या चित्रपटाच्या ओटीटी रिलीजबाबत नुकतीच शाहिद कपूरनं एक पोस्ट शेअर केली आहे. या पोस्टमध्ये त्यानं लिहिलं, "एक प्रेमकथा जी तुमच्या लव्ह स्टोरीची व्याख्या रीबूट करेल!"
'तेरी बातों में ऐसा उलझा जिया' या चित्रपटात क्रिती आणि शाहिद यांच्यासोबतच डिंपल कपाडिया आणि धर्मेंद्र यांनी देखील महत्वाची भूमिका साकारली आहे.या चित्रपटाचे लेखन आणि दिग्दर्शन अमित जोशी आणि आराधना साह यांनी केले आहे. दिनेश विजन, ज्योती देशपांडे आणि लक्ष्मण उतेकर यांनी या चित्रपटाची निर्मिती केली.
‘तेरी बातों में ऐसा उलझा जिया’ या चित्रपटात एका रोबोटची आणि एका माणसाची लव्हस्टोरी दाखवण्यात आली आहे. या चित्रपटात क्रितीनं रोबोटची भूमिका साकारली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.