Swatantrya Veer Savarkar: अभिनेता रणदीप हुड्डाचा (Randeep Hooda) 'स्वातंत्र्य वीर सावरकर' (Swatantrya Veer Savarkar) हा चित्रपट सध्या बॉक्स ऑफिसवर धुमाकूळ घालत आहे. या चित्रपटातील रणदीप हुड्डाच्या (Randeep Hooda) अभिनयाचं अनेकजण कौतुक करत आहेत. तसेच या चित्रपटाच्या शेवटी ऐकायला येणाऱ्या रॅप साँगचं देखील कौतुक होत आहे. सावरकरांच्या लढ्याचं वर्णन करणारं रॅप साँग 'संबाटा' नावाच्या पुण्याच्या तरुणानं लिहिलं आहे. संबाटा या रॅपरचं खरं नाव काय? त्याची कोणकोणती गाणी प्रेक्षकांना आवडली? याबद्दल जाणून घेऊयात...

'स्वातंत्र्य वीर सावरकर' चित्रपटातील रॅप साँगचं होतंय कौतुक

संबाटाच्या 'स्वातंत्र्य वीर सावरकर' या चित्रपटातील रॅप साँगचं अनेक जण कौतुक करत आहेत. या रॅप साँगच्या लिरिक्सनं अनेकांचे लक्ष वेधले आहे. "धर्म से है क्रांतिकारी, हौसला है तूफानी... ना रोक सकता गोरा, ना रोक सकता काला पानी", असे या रॅप साँगचे बोल आहेत. हे रॅप साँग संबाटानं लिहिलं आहे आणि गायलं देखील आहे. या रॅप साँगला The Savarkar Rage असं नाव देण्यात आलं आहे.

पाहा संपूर्ण रॅप साँग:

जाणून घ्या संबाटाबद्दल

सावरकरांवरील रॅप साँग लिहिणाऱ्या संबाटाचे खरे नाव प्रथम जोगदंड असं आहे. संबाटा हा पुण्याचा आहे. त्याचे काही रॅप साँग्स प्रेक्षकांच्या भेटीला आले आहेत. काही काळातच संबाटा हा लोकप्रिय झाला. त्याचा चाहता वर्ग मोठा आहे.

पिन्नक, नको रास्ते चांगले,सोड लाचारीचा पक्ष या संबाटाच्या रॅप साँग्सला प्रेक्षकांची विशेष पसंती मिळाली. सध्या संबाटा हा त्याच्या 'स्वातंत्र्य वीर सावरकर' या चित्रपटातील रॅप साँगमुळे चर्चेत आहे.

संबाटा हा सोशल मीडियावर विविध पोस्ट शेअर करत असतो. त्याला इन्स्टाग्रामवर 253k फॉलोवर्स आहेत. संबाटाच्या रॅप साँग्सची त्याचे चाहते उत्सुकतेने वाट बघत असतात.

'स्वातंत्र्य वीर सावरकर' या चित्रपटाचं दिग्दर्शन रणदीप हुड्डानं केलं आहे. या चित्रपटानं रिलीजच्या पहिल्याच दिवशी जवळपास दीड कोटी रुपयांची कमाई केली. रणदीप हुड्डासोबतच या चित्रपटात अंकिता लोखंडे आणि अमित सियाल यांनी देखील काम केलं आहे.