लोकप्रिय बॉलिवूड अभिनेत्री उर्मिला मातोंडकर हिला वेगळ्या ओळखीची गरज नाही. तिने आपल्या अभिनयाने बॉलिवूडमध्ये वेगळी छाप पाडली आहे. बॉलिवूडची छम्मा छम्मा गर्ल नेहमीच कोणत्या ना कोणत्या कारणांमुळे चर्चेत राहिली आहे. उर्मिलाने तिच्या करिअरमध्ये अनेक हिट चित्रपटात काम केलं. मात्र आता उर्मिलाच्या चाहत्यांना मोठा धक्का बसला आहे. आता अभिनेत्री आपल्या पतीपासून विभक्त होणार असल्याचं बोललं जातंय. लग्नाच्या आठ वर्षानंतर तिने घटस्फोटासाठी अर्ज दाखल केल्याचं सांगण्यात येतंय. उर्मिला ही पती मोहसीन अख्तर मीर याच्यापासून वेगळी होणार आहे. यामागचं नेमकं कारण ठाऊक नसलं तरी हा घटस्फोट सामंजस्याने होत नसल्याचं बोललं जातंय.

उर्मिलाने मोहसीन अख्तर मीरसोबत ४ फेब्रुवारी २०१६ रोजी एका खाजगी समारंभात लग्न केलं होतं. फक्त धर्म वेगळे असल्यामुळे नाही तर त्यांच्या वयात तब्बल १० वर्षांचं अंतर असल्यामुळेही ते दोघे चाहत्यांमध्ये चर्चेत होते. आता जवळपास ८ वर्ष एकमेकांसोबत राहिल्यानंतर त्यांच्या नात्यात कटुता निर्माण झाली आहे. आ त्या दोघांनी एकमेकांपासून दूर होण्याचा निर्णय घेतला आहे. अभिनेत्रीने पतीपासून विभक्त होण्यासाठी घटस्फोटाचा अर्ज दाखल केल्याची माहिती आहे तर काहींच्या म्हणण्यानुसार हा घटस्फोट सामंजस्याने होत नाहीये. अभिनेत्रीने वाजवुन या गोष्टीवर कोणतंही भाष्य केलेलं नाही.

कोण आहे उर्मिलाचा पती मोहसीन अख्तर मीर?

मोहसीन अख्तर मीर हा काश्मीरचा व्यावसायिक आणि मॉडेल आहे. ते दोघे पहिल्यांदा २०१४ मध्ये मनीष मल्होत्रा याच्या भाचीच्या लग्नात भेटले होते. तिथे त्यांच्यात मैत्री झाली. त्यानंतर उर्मिला आणि मोहसीन यांनी अमृतसरच्या स्वर्ण मंदिराचा दौरा केला आणि त्यानंतर निकाह केला. मोहसीन हा अभिनेता बनण्यासाठी काश्मीरहून मुंबईत आला होता, त्याने काही चित्रपटात आपलं नशीब आजमावलं मात्र यश न मिळाल्याने त्याने व्यावसायिक म्हणून आपलं नशीब आजमावलं. सध्या मोहसीन मनीष मल्होत्रा यांच्यासोबत काम करतो.