Zayed Khan : 'में हूँ ना' या शाहरुखच्या गाजलेल्या सिनेमातून अभिनेता झाएद खानने प्रेक्षकांच्या मनात स्थान निर्माण केलं. या सिनेमातील त्याचा अभिनय अनेकांना आवडला पण नंतर तो बॉलिवूडमध्ये यश मिळवू शकला नाही आणि काही काळाने त्याने बॉलिवूडचा निरोप घेतला. नुकतंच त्याने झूम टीव्हीला दिलेल्या मुलाखतीमध्ये त्याच्या विषयीच्या अनेक गोष्टींविषयी खुलासा केला.

झाएद हा सुप्रसिद्ध अभिनेते आणि निर्माते संजय खान यांचा मुलगा आहे. संजय खान आणि त्याकाळच्या सुप्रसिद्ध अभिनेत्री झीनत अमान यांच्या बरोबर अफेअर होतं. हे प्रकरण खूप गाजलं होतं. यावर झाएदने पहिल्यांदाच भाष्य केलं.

झाएदला त्याच्या वडिलांचं झीनत यांच्याशी असलेलं अफेअर आणि त्याचा घरच्यांवर, त्याच्यावर झालेला परिणाम असा प्रश्न त्याला विचारण्यात आला. तो म्हणाला कि,"हे फक्त माझ्या वडिलांच्याच नाही तर प्रत्येकाच्या घरी घडत होतं. यात काहीजण वेगळे होते जे खरोखरच खूप प्रामाणिक होते आणि ते या सगळ्यात नसायचे. पण इतर सगळे अगदीच सारखे होते. त्यावेळी लोक सतत पार्टी करायचे. जॅझी कपडे घालायचे. त्यावेळेची व्यक्तिमत्वं खरंच वेगळी होती."

झीनत आणि संजय खान यांचं अफेअर बराच काळ होतं. ४० वर्षांपूर्वी झीनत यांच्या डोळ्याला दुखापत झाली होती आणि त्यांची डोळ्याची दृष्टी काहीशी गेली आणि त्यामुळे झीनतही सिनेविश्वपासून दुरावल्या. एका मुलाखतीत त्यांनी त्यांच्या बॉयफ्रेंडशी झालेल्या भांडणात त्यांना ही दुखापत झाली होती. जरी त्यांनी संजय यांचं या मुलाखतीत नाव घेतलं नसलं तरीहीअनेकजण हे संजय खान यांनीच केलं असल्याचं मानतात.