'मिर्झापूर ३' ही वेबसीरीज लवकरच प्रेक्षकांच्या भेटीला येणार आहे. या सीरिजची प्रेक्षकांमध्ये प्रचंड चर्चा आहे. यावेळेस सीरिजमध्ये काय पाहायला मिळणार, नवीन कोण असणार, पटकथा काय असणार, मागील कलाकारांचं काय होणार असे एकना अनेक प्रश्न प्रेक्षकांना पडले आहेत. अशातच अभिनेता विजय वर्मा याची एक मुलाखत चाहत्यांमध्ये व्हायरल होतेय. या मुलाखतीत त्याने त्याच्या 'मिर्झापूर २' मधील इंटिमेट सीनवर भाष्य केलं आहे. ते सीन कसे शूट झालेले हे त्याने सांगितलं आहे.

पार्टनरकडून बऱ्याच गोष्टी शिकतो

'मिर्झापूर 2' मध्ये विजय वर्मा आणि श्वेता त्रिपाठी यांचे काही इंटीमेट सीन्स होते. 'न्यूज १८'ला दिलेल्या मुलाखतीत बोलताना हे सीन कसे शूट झाले याबद्दल बोलताना विजय म्हणाला, 'तुम्ही सगळ्या गोष्टी स्वतः नाही शिकू शकत. आपण आपल्या पार्टनरकडून बऱ्याच गोष्टी शिकतो. जेव्हा तुम्ही ती गोष्ट करत असता किंवा त्या गोष्टीचा अनुभव घेता तेव्हा ती एक वेगळी एनर्जी असते आणि तेव्हा तुम्ही मुलाचे पुरुष होता.'

विजय म्हणाला, 'जेव्हा गोलू (श्वेता त्रिपाठी) छोटे त्यागी (विजय वर्मा) ला बेल्ट देऊन बोलते की मार, तर तो स्व:तला मारू लागतो. मी जेव्हा ही कल्पना दिली होती तेव्हा दिग्दर्शिक गुरमीत सिंग हसू लागले होते. मग मी त्यांना सांगितलं की ही जी भूमिका आहे त्याला माहीत नाही की मुलीला काय अपेक्षित आहे. जेव्हा तिसऱ्या सीझनचं शूटिंग सुरु होतं तेव्हा सेटवर इंटीमेसी कॉर्डिनेटर देखील उपस्थित होते. तर इंटिमेसी कॉर्डिनेटक असल्यानं शूटच्या वेळी एक प्रोटेक्टेड वातावरण तयार होतं. तुम्ही सेटवर एकटे नसता.'

तो पुढे म्हणाला, 'हे कोणत्याही दुसऱ्या मूव्हमेंट किंवा मग टचवर अवलंबून असतं. हे एक एक्सरसाइजसारखी आहे. डान्स आणि अॅक्शन सीक्वेंसप्रमाणेच सेक्शुअल सीन्स असतात. या तिघांची तयारी करणं गरजेचं असतं. तुम्ही तुमच्या डोक्याने काही करत नाही. सगळं तिथे बसलेले इन्स्ट्रक्टर ठरवतात.'