आशियातील सर्वात श्रीमंत उद्योगपती मुकेश अंबानी यांचा धाकटा मुलगा अनंत अंबानी आज राधिका मर्चंटसोबत विवाहबंधनात अडकले आहेत. गेल्या काही दिवसांपासून या लग्नाची जोरदार चर्चा सुरु होती. अनेक विधींनी हा शाही विवासोहळा पार पडला. अनंत अंबानी आणि राधिका मर्चंट यांचा विवाह पारंपारिक वैदिक हिंदू रितीरिवाजांनुसार पडला असला तरी दोघेही गुजराती कुटुंबातील आहेत, त्यामुळे त्यांच्या लग्नात फक्त गुजराती विधी पाहायला मिळाल्या.

यामुळेच अनंत राधिकाच्या लग्नाची सुरुवात मामेरू विधीने झाली. अनंत यांच्या लग्नावेळी आई नीता अंबानी आणि वडील मुकेश अंबानी प्रत्येक विधी आणि प्रथेची पूर्ण काळजी घेताना दिसले. नीता अंबानी आणि मुकेश अंबानी दोघेही धर्म आणि परंपरांचे अनुयायी आहेत.

लाडक्या मुलाच्या विवाहित जीवनात आनंद राहावा आणि कुटुंब आनंदी राहावे यासाठी प्रत्येक परंपरा आणि विधी ते पाळत असतात. आजही त्या त्यांची परंपरा पाळताना दिसल्या.

आज लग्नात निता अंबानी यांच्या हातात एक दिवा होता. त्याला गुजराती भाषेत रमण दिवो असं म्हटलं जातं. रमण दिवो हा दिवा आहे, या दिव्याशी श्रद्धेची मोठी परंपरा आहे. हा दिवा शुभ आणि समृद्धीचे प्रतीक आहे. या दिव्याची रचनासुद्धा युनिक आहे. स्वस्तिक आणि गणपतीची मूर्ती कोरलेली या दिव्यावर दिसत आहे.

गुजराती समाजात, लग्नाच्या निमित्ताने वराची आई हातात रमण दिवो धरते आणि आपल्या मुलाच्या वैवाहिक जीवनाच्या यशासाठी शुभेच्छा देते. हा दिवा वरापासून नकारात्मक ऊर्जा देखील दूर ठेवतो आणि लग्नाच्या यशासाठी गणेशाचा आशीर्वाद देतो.

रमण दिवो हा देखील मंगलदीपचा एक प्रकार आहे जो गुजराती समाजात केवळ विवाह विधींमध्येच वापरला जात नाही तर कोणत्याही शुभ कार्यातही वापरला जातो.

मुलाचा जन्म झाल्यावर घरात रमण दिवाही लावला जातो. विशेष पूजा विधी दरम्यान आणि दिवाळीच्या निमित्ताने, घरामध्ये सुख, शांती आणि समृद्धीसाठी रमण दिवाळी प्रज्वलित केली जाते. रमन दिवो हे वास्तू दोष दूर करण्याचेही काम करते.