जुन्नर : मुंबईहून सावरगाव ता.जुन्नर येथे आलेल्या कुटुंबातील दोन पॉझिटिव्ह रुग्णाच्या सहवासात आलेले आणखी चार जणांचा तपासणी अहवाल पॉझिटिव्ह आला आहे. त्यामुळे  सावरगाव येथील एकूण रुग्णांची संख्या सहा झाली असून, तालुक्यातील रुग्णांची संख्या दहावर गेली आहे. त्या दोघांच्या संपर्कात आलेल्या तेरा जणांच्या घशातील द्रव्याचे नमुने लेण्याद्री येथील कोविड सेंटर येथे घेण्यात आले होते. तेरापैकी सात जणांचे अहवाल प्राप्त झाले असून, यातील चार पॉझिटिव्ह तर तीन निगेटिव्ह आहेत. उर्वरित सहा जणांच्या अहवालाची प्रतीक्षा आहे.

ताज्या बातम्यांसाठी डाऊनलोड करा ई-सकाळचे ऍप

संबंधित रुग्णाच्या संपर्कात सावरगाव येथील त्याचे घरातील आठ जण तसेच एक नातेवाईक यांच्यासह सलूनवाला,आचारी व मित्राचा समावेश असल्याचे सांगण्यात आले. मुंबईहून हे चौघेजण १९ मे रोजी आले होते. यानंतर दोनच दिवसांनी वडील व मुलीस सर्दी, खोकला, ताप येऊ लागल्याने खासगी व नंतर प्राथमिक आरोग्य केंद्रात त्यांनी तपासणी करून घेतली तर नारायणगाव येथे एक्स-रे काढला. त्यांच्या स्वॅब तपासणीनंतर ते पॉझिटिव्ह असल्याचे निष्पन्न झाल्याने प्रशासनाने तातडीने कारवाई सुरू केली.

पुण्याच्या बातम्या वाचण्यासाठी येथे ► क्लिक करा

प्राथमिक आरोग्य केंद्रात त्यांची तपासणी करणारे डॉक्टर व अन्य कर्मचारी यांनी होम क्वारंटाईन करून घेतले आहे. मुंबईहून आल्यानंतर घरी न बसता इकडे तिकडे मुक्त फिरण्यामुळे आज गावास त्रास सोसावा लागत असल्याने मुंबईकरांनो तुम्ही या पण घरातच थांबा! असा सल्ला प्रशासनाने दिला आहे.