पुणे - पुण्यातील एका नामांकित शाळेत विद्यार्थिनीवर झालेल्या अत्याचाराच्या घटनेने शहरात खळबळ पसरली आहे. शहरातील एका नामांकित शाळेत अज्ञात माथेफिरूने १३ वर्षाच्या अल्पवयीन विद्यार्थिनीवर बलात्कार केला आहे. या घटनेमुळे नागरिकांतून तीव्र संताप व्यक्त केला जात आहे. या घटनेचा पुढील तपास पोलिस करत आहेत.

घडलेली घटना अशी, पुण्यातील एका नामांकित शाळेत अज्ञात माथेफिरूने ११ वर्षाच्या शालेय विद्यार्थिनीवर अत्याचार केला आहे. त्यामुळे संपूर्ण शहर हादरलं आहे. या शालेय विद्यार्थिनीवर लैंगिक अत्याचार घडल्याची घटना बुधवारी घडली आहे. पीडित मुलीला ओळख असल्याचा बहाणा करून ढकलत शाळेतील बाथरूम नेत तिच्यावर अत्याचार केला आहे. या प्रकरणी संबंधित नराधमावर पुण्यातील शिवाजीनगर पोलिस ठाण्यात गुन्हा नोंद झाला आहे.

दरम्यान, या धक्कादायक घटनेनंतर पुन्हा एकदा महिला सुरक्षा हा मुद्दा ऐरणीवर आला आहे. पुण्यात महिला अत्याचारच्या घटनांमध्ये वाढ होताना दिसत आहे. ही चिंतेची बाब आहे. या घटनेसंदर्भात नागरिक संताप व्यक्त करत असून पोलिस पुढील तपास करत आहेत.

एका अल्पवयीन विद्यार्थिनीवर शाळेच्या स्वच्छतागृहात अज्ञात व्यक्तीकडून बलात्कार झाल्याच्या घटनेने पुणे शहरात खळबळ उडाली. दरम्यान पोलिसांकडून या प्रकरणी संशयित व्यक्तीचे रेखाचित्र जारी करण्यात आले आहे. ओळख असल्याचा बहाणा करून या अज्ञात व्यक्तीने पीडित विद्यार्थिनीला ढकलत बाथरूममध्ये नेऊन तिच्यावर बलात्कार केला. या प्रकारानंतर या मुलीने आपल्या मैत्रिणीला हा सर्व प्रकार सांगितला. त्यानंतर त्यांनी शाळेतील शिक्षिकांच्या कानावर ही घटना घातली. मुलीच्या आईला व पोलिसांना बोलावून याची माहिती दिली. दरम्यान या आरोपीच रेखा चित्र तयार करण्यात आले असून पोलिस शोध घेत आहेत.